مدرسه التوفيقيه الثانويه. مدرسه مشهوره فى مصر اتخرج منها مشاهير كتير زى طلعت حرب باشا و اكتر من رئيس وزراه لمصر. فى الاساس بناه محمد سعيد باشا فى سنة 1855 عشان تكون استراحه ليه, و بعدين فى ابريل سنة 1876 حوله الخديوى اسماعيل كقصر ضيافه لكبار الزوار, نزل فيه وفود و امراه زى السلطان العثمانى عبد العزيز و امير مكه الشريف عبد الله و غيرهم, بس الخديوى توفيق اتنزل على القصر و اده لنظارة المعارف (وزارة التعليم) فى سنة 1881, اللى حولتها لمدرسه و كاتبوا فى ظاهر قبة القصر العباره دى : "وما توفيقي الا بالله ، طلب الادب أولى من طلب الذهب ، فكانتا بشيرًا بما سيكون لهذه الدار من التوفيق فى تخريج عدد وافر من ابناء الامة النابهين". فى سنة 1916 طلب السطان حسين كامل بتسميه المدرسه التوفيقيه تخلد لذكرى اخوه الخديوى توفيق.كان اول مدير للمدرسه بريطانى اسمه السيد موجيل بك , و مسك الاداره من سبتمبر 1881 لحد نوفمبر 1855, وقتها المدرسه كان فيها 29 طالب
