Wikipedia ye una enciclopedia de conteniu libre basada en a tecnolochía wiki, que permite a edición d'os suyos contenius por cualsiquier usuario dende un navegador web. L'adchectivo libre se refiere tanto a lo suyo emplego como a la suya edición. Wikipedia ye multilingüe y ye desembolicada en forma colaborativa por decenas de mils de voluntarios arredol d'o mundo y en os suyos respectives idiomas. Wikipedia ye mantenida y administrada por a fundación sin fins de lucro Wikimedia.
Wikipedia prencipió como un prochecto en anglés o 15 de chinero de 2001. Dimpués prencipioron a surtir prochectos paralels en atros idiomas. En chinero de 2008, Wikipedia contiene en a suya versión en anglés mas de dos millons d'articlos enciclopedicos y mas de 9.500.000 d'articlos en atros idiomas.
A Wikipedia en aragonés existe dende o 21 de chulio de 2004 y tien actualment 47 310 articlos.
Vinclos externos
