Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un municipio aragonés en o Campo de Daroca; ta atros usos, se veiga Villa-reyal.

Villa-reyal de la Uerba Villarreal de Huerva
Municipio d'Aragón
Entidat  • País  • Provincia  • Comarca	Municipio  Aragón  Zaragoza Campo de Daroca
Partiu chudicial	Daroca
Superficie	27.1 km²
Población  • Total	269 hab. (2013)
Altaria  • Meyana	867 m.
Distancia  • 70 km	enta Zaragoza
Alcalde	José Valero Martín
Codigo postal	50490
Parroquial  • Archidiocesi  • Arcipestrau  • Parroquia	Zaragoza Daroca Sant Miguel Arcángel
Río	Uerba
Coordenadas	41°11’24’’N 1°17’22’’U
Villa-reyal de la Uerba Villa-reyal de la Uerba en Aragón
Web oficial

Villa-reyal de la Uerba (Villarreal de Huerva en castellano) ye un municipio aragonés d'a provincia de Zaragoza, situato en a comarca d'o Campo de Daroca.

A suya población ye de 199 habitants (2007), en una superficie de 27,10 km², con una densidat de población de 7,34 hab/km².

Ye situato a piet d'a Sierra de Peco, chunto a la Uerba, a una distancia de 70 km d'a ciudat de Zaragoza, a capital d'a suya provincia y d'Aragón.

En o libro Los pueblos y los despoblados d'Agustín Ubieto Arteta dicen que estió Villarreal dica 1910 y Villarreal de Huerva, dende 1920. Encara que Ubieto no lo mencione a forma con epentesi antihiatica -y-, ye documentata en a Edat Meya, por eixemplo en o libro de manifestación d'o morabetín d'as aldeyas d'a Comunidat de Daroca de 1373 ( Villa Reyal ).

Agustín Ubieto Arteta no gosa detallar u citar variants foneticas d'o nombre que pareixcan mes aragonesas, y muitas vegatas nomás menciona os casos de cambio de radiz u apelativo. L'apelativo de Uerba ye por tanto recient, pero ye en a linia con l'apelativo de la Uerba que tienen lugars d'a redolada dende antigo cuan se i charraba l'aragonés.

En o sieglo XV perteneixeba a la Comunidat de Daroca.^[1]

Ermita d'a Nuestra Sinyora d'o Rosario, a on que a chent va de romería o 6 de chunio. Tamién bi ha romería ta la ermita l'1 de mayo, pa celebrar o día de las Mozas y o 25 de mayo pa celebrar o día de los Mozos. Se celebra Sant Miguel o 8 de mayo.