Vicente Rojo Lluch, naixito de La Font de la Figuera (Costera, País Valenciano) o 8 d'octubre de 1894 y muerto en Madrit (Espanya) o 14 d'octubre de 1966, estió un militar espanyol, activo dende 1911 dica 1939 en l'Exercito espanyol, que destacó mientres a Guerra Civil espanyola en estar en primeras o responsable d'a esfensa de Madrit contra os sublevatos que l'atacaban dende o norte, l'ueste y o sud en a batalla de Madrit, y por estar dimpués o Chefe d'Estato Mayor de l'Exercito Popular Republicano, estando asinas o planificador d'as ofensivas y contraofensivas republicanas mientras a guerra, como a batalla d'o Jarama, a batalla de Brunete, u a batalla de l'Ebro. Asinas, encara que os republicans yeran en inferioridat de condicions, o suyo papel estió decisivo ta permitir-les de resistir mientres tres anyadas y mesmo de dixar-lis en cuantas ocasions prener a iniciativa estratechica en a guerra, como en a batalla de Teruel u en a batalla de l'Ebro; por tot ixo ye considerato como o militar mas brillant d'a guerra.