Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A val volcanica de Waimangu (en anglés Waimangu Volcanic Rift Valley) ye un sistema hidrotermal creyau o 10 de chunio de 1886 por a erupción volcanica d'o Mont Tarawera, en a Isla d'o Norte de Nueva Zelanda. A val incluye o laco Rotomahana, o puesto a on se trobaban d'antis mas as Terrazas rosas y blancas, asinas como a localización d'o guéiser Waimangu, que estió activo entre 1900 y 1904. L'aria s'ha tornau en un puesto cada vagada mas accesible a o turismo y contiene o laco d'a Sartaina, que ye a fuent termal mas gran d'o mundo,^[1] y o laco d'o Crater d'o Infierno con a suya caracteristica color azul palida, que ye a estructura de guéiser mas gran d'o mundo, encara que o propio guéiser no puet veyer-se en estar en o fundo d'o laco.^[2]

Waimangu significa 'augua negra' en maorí, a luenga indichena de Nueva Zelanda. Iste nombre viene de l'augua que saliba d'o guéiser Waimangu, que yera negra con bardo y piedras.

• Se veigan as imáchens de Commons sobre a val volcanica de Waimangu.
• (en) Pachina oficial d'a val volcanica de Waimangu