A Val de Ricot (en murciano Val e Ricote y en castellano Valle de Ricote), tambien conoixita como Valle Morisco, ye una comarca historica d'o Reino de Murcia, situata a lo norte d'a provincia de Murcia y en a compleganza meya d'o río Segura. A chicota ciudat d'Archena ye a capital d'a comarca y seu d'un important balneario. Estió un d'os puestos mas poblatos de moriscos dica la suya expulsión en o sieglo XVI. Os moriscos de Val de Ricot no fuoron forachitatos en 1609 como os atros d'a peninsula y fuoron forachitatos dimpués d'un decreto d'o 19 d'octubre de 1613. Fuoron deportatos a lo País Valenciano, Alcheria y mas que mas a Italia.
Toponimia
En l'Archivo de la Corona d'Aragón bi ha textos que en charran, en relación con a "Orden de Sant Chaime":
Al noble e amado don Johan Osores, maestro de la Horden de la cavalleria de Sant Jayme et cetera.
Entendiemos que agora avíades çitado a Ferrant Péreç, comendador de la
val de Ricot, a
capítol e que allí le avíades tuelta la
comanda de Ricot e que la queríades dar a otro. E como el dito Ferrant Pérez sia homne bueno e en qui muyto podría homne fiar, e él la su comanda aya tenido bien e lealment assí que danno ni menoscabo no a venido por él al regno nuestro de Murcia, rogamos vos que por amor de nos embiedes al dito Ferrant Pérez por comendador de Ricot assí como la tenía, et si por ventura por cosas que.l fiçiesse contra la Orden lo avíades a mudar de la dita comanda, que consintades que la tenga el dito Ferrant Pérez entro que nos ayades certifficado a qui tenredes por bien de comendarla, que se faga con nuestra voluntat porque nos no end ayamos a aver sospeyta, e gradecer vos lo hemos muyto.
Dada en el sitio del castiello de
Lorca, III días por andar del mes de junio et cetera.
Petrus Martini, mandato Guillermi Durffortis.
[1]
Referencias
- ↑ ARCHIVO DE LA CORONA DE ARAGON, C, reg. 253, fol. 27v.
.svg)
