Tragacet (Tragacete en castellano), ye un municipio de Castiella-La Mancha, situau en la provincia de Cuenca. La suya población ye de 288 habitants (2015), en una superficie de 61,39 km² y una densidat de población de 4,95 hab/km².
Toponimia
Lo exotoponimo aragonés Tragacet se documenta en textos medievals aragoneses:
Item trobo el dito procurador como Johan de
Tragacet tiene a la partida hum patio, que afruenta con patio de la muller de Reyner del Miraglo,
[1]...
Ye un toponimo hispano-arabe que s'interpreta a partir de tagrīz ("estaca", "puncha"), pero con un plural feminín en -āt (*tagrizāt).[2] En las luengas romances peninsulars existió en la baixa Edat Meya l'arabismo Tragacet, referiu a un arma con puncha que s'arrullaba a l'enemigo. L'uso d'esta parola en romanz yera cuasi siempre en plural, lo que refirma la hipotesi d'un significau "las estacas" u "las punchas" pa este toponimo.
Mugas
Lo suyo termin municipal muga con prolongacions de lo termin municipal de Cuenca, que lo aisla de los termins municipals de Checa, Albarracín y Huélamo.
Referencias
