- Iste articlo ye sobre una cinta estausunidense de cine d'acción de l'anyo 1998; ta atros usos, se veiga The Siege (desambigación).
The Siege (títol orichinal en anglés, en aragonés O setio, enguerada en Aragón con o títol en castellano de Estado de sitio, en aragonés Estau de setio) ye una cinta d'acción y d'intriga d'o cine estausunidense de l'anyo 1998 dirichida por Edward Zwick seguntes un guión adaptau por Lawrence Wright, Menno Meyjes y Edward Zwick basau en una historia de Lawrence Wright, con una dirección de fotografía de Roger Deakins, una Banda Sonora Orichinal de Graeme Revell y una producción cinematografica de Lynda Obst y Edward Zwick ta la productora cinematografica Twin River Productions. L'elenco d'a cinta te formau, en os suyos papels principals, por os actors Denzel Washington, Annette Bening, Bruce Willis, Tony Shalhoub, David Proval, Aasif Mandvi, Amro Salama, Sami Bouajila, Mark Valley y Lance Reddick.
The Siege conta cómo lo Federal Bureau of Investigation, en investigar un atentau terrorista en a ciudat de Nueva York, descubre una trama terrorista d'un chicot grupo d'arabes que d'antes mas heban recibiu aduya y diners ta lo suyo funcionamiento d'os propios Estaus Unius encara que dimpués los albandonoron. Cuan o FBI ye investigando, lo Gubierno estausunidense decreta la lei marcial y la ciudat queda baixo lo control de l'exercito estausunidense. S'ambienta asinas en a ciudat de Nueva York en o mesmo tiempo d'a cinta, 1998, y se rodó en l'estau de California y en a ciudat de Nueva York. En a 19ena edición d'os Golden Raspberry l'actor Bruce Willis recibió lo Golden Raspberry a lo Pior Actor. La cinta no recibió criticas positivas ni tenió exito de taquilla dica los atentaus de l'11 de setiembre de 2001, cuan se la consideró como una cinta premonitoria d'os feitos y augmentoron las vendas en video.
Se veiga tamién
Referencias
Vinclos externos
