- Iste articlo ye sobre una cinta dramatica estausunidense de 1959; ta atros usos, se veiga The Journey.
The Journey (títol orichinal en anglés. en aragonés O viache, enguerada en Aragón con o títol en castellano de Rojo atardecer, en aragonés Vesprada roya) ye una cinta de cine estausunidense de cine de drama de l'anyo 1959 dirichida por Anatole Litvak seguntes un guión orichinal de George Tabori, con una banda sonora orichinal de Georges Auric, una dirección de fotografía de Jack Hildyard y una producción cinematografica d'o mesmo Anatole Litvak ta la productora cinematografica Alby Pictures. L'elenco d'a cinta ye formau por Deborah Kerr, Yul Brynner, Jason Robards, Robert Morley, E.G. Marshall, Anne Jackson, Ron Howard, Flip Mark, Kurt Kasznar y David Kossoff, entre d'atros actors.
A cinta s'ambienta en Budapest en Hongría mientres a clamada Revolución hongara de 1956 y conta la historia d'un grupo de foranos que preba de fuyir d'Hongría en plegando en a muga con Austria pero entre éls se troba un combatient hongaro feriu a qui buscan as tropas de l'Exercito Royo que sofocan a rebelión. Se rodó en exteriors en Austria, en a muga con Hongría, y las suyas escenas interiors se filmoron en Viena. Ye una cinta ambientada en a Guerra Fría y concebida mas que mas como un vehiclo de propaganda contra la Unión Sovietica, que mientres o rodache presionó a lo Gubierno austriaco ta que lo cancelase.
Se veiga tamién
Referencias
Vinclos externos
