The Cheyenne Social Club (títol orichinal en anglés, en aragonés O Club Social de Cheyenne, enguerada en Aragón con o títol traduciu enta lo castellano de El club social de Cheyenne) ye una cinta de cine estausunidense de l'anyo 1970 de western comico dirichida por Gene Kelly seguntes un guión orichinal de James Lee Barrett, con una dirección de fotografía de William H. Clothier y una Banda Sonora Orichinal de Walter Scharf. Producida por James Lee Barrett y Gene Kelly ta la productora cinematografica Cinema Center Films, en l'elenco d'a cinta trobamos actors como James Stewart, Henry Fonda, Shirley Jones, Sue Ane Langdon, Elaine Devry u Robert Middleton. En ista cinta tornan a coincidir en os papels protagonistas James Stewart y Henry Fonda, cinco anyadas dimpués d'a suya cinta Firecreek (Vincent McEveety, 1968).
Ambientada en Cheyenne (Wyoming) en 1867, en The Cheyenne Social Club s'explica la historia d'un cowboy que en morir o suyo chirmano recibe en herencio o Club social de Cheyenne y marcha ta la ciudat ta recibir-lo, encara que l'herencio no ye exactament como él pensaba. Se rodó en Los Angeles y Nuevo Mexico.
Se veiga tamién
Referencias
Vinclos externos
