Tears of the Sun (títol orichinal en anglés, en aragonés Glarimas d'o sol, enguerada en Aragón con o suyo títol traduciu enta lo castellano como Lágrimas del sol) ye una cinta de cine belico de cine estausunidense de l'anyo 2003 dirichida por Antoine Fuqua seguntes un guión orichinal d'Alex Lasker y Patrick Cirillo, con una banda sonora orichinal de Hans Zimmer, una dirección de fotografía de Mauro Fiore y una producción cinematografica d'Ian Bryce, Mike Lobell y Arnold Rifkin ta las productoras Columbia Pictures, Revolution Studios y Cheyenne Enterprises. L'elenco d'a cinta ye formau, entre d'atros, por os actors Bruce Willis, Monica Bellucci, Tom Skerritt, Cole Hauser, Paul Francis, Eamonn Walker, Johnny Messner y Nick Chinlund.
Tears of the Sun s'ambienta en Nicheria mientres una presunta guerra civil en o país en epoca actual d'a cinta (2003) inspirada en a guerra de Biafra en 1967 y conta cómo l'exercito estausunidense ninvía a lo tenient AK Waters mandando una unidat d'a United States Navy SEALs con a misión de rescatar d'un hespital en a chungla a la doctora Lena Fiore Kendricks antis de que i pleguen en o lugar os rebels y, segundariament, rescatar a una moncha y un sacerdot. A cinta se rodó en Hawaii y Los Angeles en California y estió un fracaso de publico, en no fer un recaudo que cubrise os gastos de producción. Tanimientres, recibió bela nominación a premios cinematograficos menors.
Se veiga tamién
Referencias
Vinclos externos
