A Republica de Surinam (tamién clamata Suriname) ye un país situato a lo norte de Suramerica, entre a Guayana Francesa a l'este (a muga ye o río Maroni), Guyana a l'ueste, y Brasil a lo sud. A suya muga norte ye a costa atlantica. A capital d'o país ye a ciudat de Paramaribo.
A suya población ye de 541.638 habitants (estimación de 2012) en una superficie de 163.820 km², con una densidat de población de 3 hab/km².
Surinam ye independient d'a suya antiga metropoli, os Países Baixos, dende o 25 de noviembre de 1975, y ye una republica: l'actual President de Surinam ye Dési Bouterse.
Administración
Administrativament, Surinam ye dividito dende 1980 en 6 districtos, dividitos en ressorten. Os districtos, con a suya capital, son:
- Brokopondo, con capital en Brokopondo.
- Commewijne, con capital en Nieuw-Amsterdam.
- Coronie, con capital en Totness.
- Marowijne, con capital en Albina.
- Nickerie, con capital en Nieuw-Nickerie
- Para, con capital en Onverwacht.
- Paramaribo, con capital en Paramaribo.
- Saramacca, con capital en Groningen.
- Sipaliwini, sin de capital
- Wanica, con capital en Lelydorp.
Referencias
Vinclos externos
