Six Minutes to Midnight (títol orichinal en anglés, en aragonés Seis minutos ta la meyanueit, enguerada en Aragón con o títol en castellano de Las hijas del Reich, en aragonés As fillas d'o Reich) ye una cinta de cine britanico de l'anyo 2020 de cine d'intriga historico-belico-dramatica dirichida por Andy Goddard seguntes un guión adaptau por Andy Goddard, Celyn Jones y Eddie Izzard basau en una historia de Celyn Jones y Eddie Izzard, con una banda sonora orichinal de Marc Streitenfeld, una dirección de fotografía de Chris Seager y una producción cinematografica d'Ade Shannon, Andy Evan, Sarah Townsend y Sean Marley ta las productoras Lionsgate, Mad as Birds, Reliance Entertainment Productions 6, Ffilm Cymru Wales y West Madison Entertainment. L'elenco d'actors protagonistas d'a cinta ye formau por Eddie Izzard, Carla Juri, James D'Arcy, Celyn Jones, David Schofield, Jim Broadbent, Judi Dench, Maria Dragus y Tijan Marei.
En a cinta se conta cómo un grupo de mesachas fillas de dirichents d'o Nationalsozialistische Deutsche Arbeiterpartei d'o Tercer Reich son estudiando en un internau en o Reino Uniu en 1939 pensau exclusivament ta ellas en a localidat de Bexhill-on-Sea en Sussex de l'Este, en a costa d'a mar d'o Norte, encara que lo MI5, o Servicio Secreto britanico, mantiene lo lugar vichilau, y cómo lo profesor d'anglés d'o Colechio, Wheatley, ye un achent britanico que ye asasinau, ninviando-se ta substituyir-lo a lo capitán Thomas Miller, qui descubre que bi ha plans ta fer tornar secretament a las mesachas en Alemanya en estar de camín a guerra con a invasión de Polonia y preba de comunicar-lo en os suyos superiors. A cinta s'ambienta asinas en l'anyo 1939 en Sussex de l'Este (Reino Uniu) y se rodó en bellas localidaz de Galas.[2]. Se tracta d'una cinta que ha recibiu bels premios, en destacando dos nominacions a los Premios BAFTA Cymru a la Millor Actriz y a lo Millor Disenyo de Vestuario.
Se veiga tamién
Referencias
Vinclos externos
.svg){kind=small}
