Sean Justin Penn, con nombre artistico Sean Penn, ye un actor y director cinematografico estausunidense, naixito o 17 d'agosto de 1960 en Santa Monica (California). Activo en o cine estausunidense dende meyatos d'os anyos 1970, ha recibito cuantos premios mientres a suya carrera cinematografica.
En a suya filmografía como actor, se pueden destacar as suyas interpretacions en bellas cintas, como Carlito's Way (1993, Brian De Palma), Dead Man Walking (1995, Tim Robbins), The Thin Red Line (1998, Terrence Malick), Sweet and Lowdown (1999, Woody Allen), I Am Sam (2001, Jessie Nelson), Mystic River (2003, Clint Eastwood), 21 Grams (2003, Alejandro González Iñárritu), u Milk (2008, Gus Van Sant).
Premios
Premios Oscar
Sean Penn recibió un premio Oscar a o Millor Actor en 2003 por o suyo papel en a cinta Mystic River, de Clint Eastwood. Por ista misma cinta recibió amás un Globo d'Oro a o Millor Actor Dramatico (2003).
En 2008 recibió un premio Oscar a o Millor Actor por o suyo papel en Milk, de Gus Van Sant.
Antiparte, fue nominato a l'Oscar a o Millor Actor en 1995 por o suyo papel de Matthew Poncelet en Dead Man Walking, una cinta dirichita por Tim Robbins.
Atros premios
En 1996 recibió un Onso de Plata a o Millor Actor d'o Festival Internacional de Cine de Berlín por Dead Man Walking, de Tim Robbins.
En 1997 recibió un Premio a o Millor Actor d'o Festival de Cine de Canas por She's So Lovely, de Nick Cassavetes.
Antiparte, en 1998 recibió una Copa Volpi a o Millor Actor d'o Festival Internacional de Cine de Venecia por Hurlyburly, d'Anthony Drazan; y una segunda Copa Volpi a o Millor Actor en 2003 por 21 Grams, d'Alejandro González Iñárritu.
Filmografía
Vinclos externos
