Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Estió una aldeya de lo termin de Traiguera, formata a partir d'un mas dito Mas dels Astellers u Estellés. Lo Mas dels Estellers u Estellés empecipia en l'anyo 1261 cuan compran lo mas los chirmans Esteban y Bononate Steller y lo suyo amigo Domingo de Monte-Real. Dende ixe inte i ye present la familia Esteller que encara se nota en un 60 % de los apellitos actuals. Atros apellitos que i apareixioron son Sifre, Nes, Marí, Calaf, Meseguer, Vidal, Ferreras. La historia medieval y moderna dica 1655 ye la d'ixe mas que creixe poquet a poquet dica independizar-se.
A prencipios de lo sieglo XVII bi ha un largo pleito para deseparar-se de Traiguera, con enchaquia de lo creiximiento demografico de lo Mas, la dependencia economina, los pleitos churisdiccionals, la riqueza d'unas pocas familias y lo desastre economico de Traiguera en la Guerra de los Segadors. La demanda de segregación d'inició en 1626 en las Corz de Monzón, cuan los vecins la demandan a traviés de la Orden de Montesa, pero desestimoron a suya pretensión.
Con un Reyal Privilechio de Felipe IV d'Espanya concedido l'anyo 1647 y una Reyal Carta de lo mesmo Rei concedito en 1649, lo Mas dels Estellers paso a denominar-se Sant Jordi (no San Jorge), con la consideración de Villa de lo Mayestrato (Vall de Montesa), tarcual consta en los documentos de los sieglos XVII y XVIII.
La consolidación d'esta independencia se produció lo mes de mayo de 1655. Continoron los pleitos con Traiguera; pero cadagún tenió las suyas autoridaz y los suyos termins deseparatos.
La nueva villa de Sant Jordi yera constituita a mitat de lo sieglo XVII por cincuanta familias. La Guerra de Succesión paralizó temporalment lo creiximiento demografico y economico.
Toponimia
Estió Mas dels Estellers en a Edat Meya, Sant Jordi dende la constitución como villa, en 1647, dimpués fue traducito y oficializato en castellano como San Jorge.
.svg){kind=small}
