A puerta d'el Portiello (en castellano Puerta del Portillo) yera una puerta situada en a muralla medieval de Zaragoza. Yera situada chunto a l'actual ilesia de Nuestra Sinyora d'el Portiello, estando a puerta natural de salida enta o palacio de l'Alchafaría.
Historia
En 1119 os musulmans intentorón recuperar Zaragoza d'as mans d'Alifonso I d'Aragón y ubrioron una breca en a muralla medieval. L'ataque fue refusau con la aduya d'a Virchen d'el Portiello a qui se dedicó la puerta creyada en iste mesmo puesto.
Cuasi no se conservan representacions antigas d'ella que permitan conoixer con exactitut o suyo aspecto, pero pareixe que yera un arco de piedra con dos torres, como se i veye en una tabla de Cheronimo Cosida de 1575 u en un limosnero de bronce datau en o sieglo XVI.
Mientres que los Setios de Zaragoza fue completament espaldada per los canyonazos. Astí escaicioron os feitos famosos con Agustina d'Aragón. Entre 1814 y 1820 fue reconstruyida costando 30.522 reyals de bellón. Fue espaldada en 1869.
Chunto a ista puerta yeran as eras conoixidas como Campo del Toro, a on se feban torneyos y corridas de toros mientres as fiestas reyals. Tamién en iste mesmo puesto se reunió l'exercito popular formau por o Chusticia Chuan de Lanuza pa luitar contra o rei Felipe I d'Aragón. Ye en istas eras a on se construyió en 1666 a Reyal Casa de Misericordia, y a plaza de toros de Zaragoza en 1764.
Vinclos externos
.svg)
