A puerta de Sancho yera una puerta en o muralla medieval de Zaragoza situada a la fin d'a carrera Predicadores, en a entrada de l'actual carrera de Santa Lucia.
Historia
Conoixida en epoca arabe como baab Almusaara por ubrir-se enta as huertas de l'Almozara. Dende la conquiesta de Zaragoza en 1118 pasó a conoixer-se como "puerta de Sancho", fendo referencia o suyo nombre a o monarca d'Aragón y de Navarra Sancho Remíriz. Apareixe nombrada por primera vegada en l'anyo 1180 en decumentos que charraban de molins que i yeran amán. Sieglos dimpués se'n citará tamién por estar a puerta por a on saliban aquels que yeran condenaus a o distierro.
En 1623 se construyió a lo suyo costau lo convento d'as Fecetas u d'as Carmelitas Escalzas, dito asinas por trobar-se en una finca propiedat de Diego Fecet.
Mientres que los Setios fue esfendida por o coronel Mariano Renovales y destruyida, pa tornar a reconstruyir en 1822. En 1868 fue escatumbada pa tornar a estar construyida pocos anyos dimpués en una forma muito modesta feita de ladriellos y con un portón de fusta, pa estar a la fin espaldada en 1905.
Vinclos externos
.svg)
