Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre una traza d'explotación menera; p'atros usos, se veiga Pedrera (desambigación).

Una pedrera ye una explotación menera, por un regular a cielo ubierto, on s'obtién rocas industrials, ornamentals u aridos.

As principals rocas obtenidas en pedreras son: márbols, granitos, calsineras y losetas en cuasi toz os países u rechions.

Tecnicament no puede considerar-se que sigan chacimientos porque son materials comuns y no presentan concentracions anomalas de garra mineral.^[1]

Toda pedrera tien una vida útil, cuan s'acotola la roca que s'espleita, la pedrera se deixa y bi ha problemas medioambientals relacionaus con a destrucción d'o paisache.

En Aragón destacan as chesas, pedreras a on s'espleita o cheso. Aragón ye o país d'a tierra con mayor abundancia de cheso como roca sedimentaria, tanto por o cheso cenozoico d'a depresión d'Ebro como por o cheso de facies Keuper (Triasico superior) d'o Sistema Iberico y Pireneus.

Bi ha tamién pedreras de calsineras. Belunas d'estas calsineras son relativament conoixidas por estar emplegadas como rocas ornamentals que dan colors caracteristicos. Estas calsineras reciben a denominación comercial de "márbols" encara que no sigan rocas metamorficas. En Abanto una calsinera cretacia se comercializa como mármol crema Abanto. En Calatorau una calsinera con muita materia organica se comercialia como mármol negro de Calatorao.

• (es) Francisco Anguita Virella, Fernando Moreno Serrano: Procesos geológicos externos y geología ambiental. Editorial Rueda, 1993.
• (es) Instituto Geológico y Minero de España: Mapa Geológico de España E 1:50.000. Used. Servicio de publicaciones de Ministerio de Industria y Energía.