Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O Mar d'Aral secando-se, impacto ambiental como consecuencia d'uns reganos de cotón no sostenibles.
Impacto ambiental ye cualsiquier modificación en a composición u en as condicions d'o medio ambient introducida por l'acción humana, por a cual se transforma o suyo estato natural y, por un regular resulta malmesa a suya calidat inicial.
Os impactos ambientals se pueden clasificar seguntes o sistema a lo que impactan u a la extensión territorial a la que afectan. Os sistemas impactatos pueden estar l'atmosfera, l'augua, o releu, o suelo, o paisache, a flora y a fauna. A escala d'os impactos seguntes a extensión territorial puede estar local, rechional u global.
En l'augua os impactos tipicos son a contaminación d'as auguas superficials, d'as auguas sotorranyas, d'as auguas marinas (mareas negras), sobreexplotación d'os acuifers y salinización d'os acuifers.
Seguntes a extensión territorial os impactos ambientals pueden clasificar-sen en:
Locals: afectan a un aria muito concreta. Un eixemplo puet estar a contaminación d'o río Martín.
Rechionals: afectan a arias cheograficas extensas, cubrindo países y rechions. Un eixemplo puet estar a contaminación d'o río Danubio, a plevia acida u as mareas negras.
