- Iste articlo ye sobre una cinta de comedia estausunidense de l'anyo 2005; ta atros usos, se veiga Must Love Dogs (desambigación).
Must Love Dogs (títol orichinal en anglés, en aragonés Cal que ame a los cans, enguerada en Aragón con o títol en castellano de Y que le gusten los perros, en aragonés Que li cuaquen os cans) ye una cinta de cine de comedia y cine de romance de l'anyo 2005 de cine estausunidense dirichida por Gary David Goldberg seguntes un guión adaptau por él mesmo basau en Must Love Dogs, una novela de Claire Cook publicada en 2002. Con una dirección de fotografía de John Bailey, una Banda Sonora Orichinal de Craig Armstrong y una producción cinematografica a'l cudiau de Gary David Goldberg, Jennifer Todd y Suzanne Todd ta las productoras cinematograficas Team Todd y Ubu Productions, en l'elenco d'a cinta participan en os suyos papels principals os actors Diane Lane, John Cusack, Dermot Mulroney, Elizabeth Perkins, Stockard Channing y Christopher Plummer.
A cinta s'ambienta en California mientres os anyos 2000 y explica la troballa entre un hombre que fa poquet que s'ha esvurciau y una muller a qui las suyas chirmanas han decidiu buscar parella en publicando-le un anuncio en un periodico. Se rodó en o laco Malibu en l'aria metropolitana de Los Angeles, un puesto aon se bi han rodau mas de 100 cintas dende los primers tiempos d'o cine.
Se veiga tamién
Referencias
Vinclos externos
