Miguel Peropadre Gracia, mas conoxitio con a suya embotada de Cinco Villas, naixito lo 6 de chunio de 1946 d'a villa zaragozana d'Exea d'os Caballers fue un torero que prenió l'alternativa como matador de toros o día 11 d'octubre de 1972 en a Plaza de Toros de Zaragoza, con Paquirri como mayestro de cerimonia y Dámaso González de teste; con toros, de Diego Puerta, tallando dos orellas a lo suyo segundo toro.
Refirmó l'alternativa en Las Ventas de Madrit o 7 de chulio de 1974, apadrinau por El Marcelino y, de teste, Raúl Sánchez, con o toro Tinojillo. Fue un torero que teneba condicions, pero que fallaba con la espata.
Se mató en accident de trafico lo 10 d'agosto de 1983 en Buixaraloz, dimpués de toreyar en Maella y haber tallau dos orellas.[1] Dos anyos más tarde, lo 10 d'agosto de 1985, lo concello d'Exea dio, por nombre, Miguel Peropadre «Cinco Villas» a la plaza de toros.
Temporadas
En 1972 toreyó 2 corridas. En 1973, 9. En 1974, 14. En 1975, 10. En 1976, 4. En 1977, 2. En 1978, 4. En 1979, 5.
Referencias
Enlaces externos
