Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Manuel Ureña Pastor
Arcebispe de Zaragoza
53eno Arcebispe de Zaragoza
2005 - 2014
Predecesor	Elías Yanes
Succesor	Vicente Jiménez Zamora
Bispe d'Alcalá de Henares
1992 - 1998
Predecesor	Recreyación d'a diocesi
Succesor	Jesús Catalá Ibáñez
Atros títols Bispe de Cartachena 1998 - 2005 Predecesor Javier Azagra Labiano Succesor Juan Antonio Reig Pla Bispe d'Eivissa 1988 - 1992 Predecesor José Gea Escolano Succesor Javier Salinas Viñals
Naixencia	4 de marzo de 1945 Albaida (País Valenciano)
Testis spei Christi

Manuel Ureña Pastor (Albaida, Valencia, 4 de marzo de 1945) ye un arcebispe catolico espanyol. Actualment ocupa a Catedra Metropolitana de Zaragoza.

En rematar os estudios primarios en a Escuela Nacional d'Albaida (1951-1959) ingresó en o Seminario Metropolitano de Valencia (Moncada). Ye Licenciato en Teolochía Dogmatica por a Universidat Pontificia de Salamanca. Ha estato nombrado Doctor Honoris Causa por a Universidad Católica San Antonio de Murcia o 13 de chunio de 2011.

Recibe a Ordenación sacerdotal o 14 de chulio de 1973 en Valencia. O suyo primer destín ye en 1973 como Vicario parroquial en a parroquia Nuestra Sinyora de l'Olivar en Alacuás (Valencia). En 1976, viacha ta Roma ta obtener a Licenciatura y o Doctorato en Filosofía Pura por a Pontificia Universidad Angelicum. De tornada en Espanya en l'anyo 1984 fue nombrato Director d'o Colegio Mayor San Juan de Ribera de Burjassot, en Valencia.

O Papa Chuan Pablo II le nombra Bispe d'Eivissa o 8 de chulio de 1988, recibindo a ordenación episcopal l'11 de septiembre d'ixe mesmo anyo. Exerció d'Administrador Apostolico en a Diocesi de Menorca entre 1990 y 1991. Designato o 23 de chulio de 1991 primer Bispe d'Alcalá de Henares, desmembrata d'a Archidiocesi de Madrid. Pasaría dimpués a ocupar a Seu de Cartachena, dende l'1 de chulio de 1998. Mientres iste periodo estió Gran Canciller d'a Universidat Catolica de Murcia.

O maitín d'o 2 d'abril de 2005, Chuan Pablo II sinyaba o suyo zaguer nombramiento episcopal antis de morir. Nombraba a Don Manuel Ureña Arcebispe metropolitano de Zaragoza. Con iste cargo, ye nombrato Gran Canciller d'a Universidat Sant Chorche de Zaragoza. O 15 de chinero de 2011 se converte en o primer bispe en celebrar a Santa Misa en a Forma Extraordinaria d'o Rito Romano en Espanya dimpués d'a promulgación d'o Motu Propio Summorum Pontificum. O 13 de chunio de 2011 ye nombrato Doctor Honoris Causa por a Universidad Católica San Antonio de Murcia.

En a Conferencia Episcopal Espanyola ye miembro d'a Comisión Episcopal d'Amostranza y Catequesis y d'a Comisión Permanent en representación d'a Provincia Eclesiastica de Zaragoza. Entre as distinciones recibitas destacan: Fillo Predilecto d'Albaida, Medalla d'Oro d'a ciudat de Murcia, Esfensor de Zaragoza 2008, Premio IACOM (Instituto Aragonés de Comunicación), Premio Fundación Carlos Sanz 2010 y Caballero d'Honor de Nuestra Sinyora d'o Pilar.