PROFILPELAJAR.COM

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Icono d'aviso medico

Advertencia: Biquipedia no ye un consultorio medico.

Si creye que aprecisa d'aduya, por favor consulte con un profesional d'a salut.

Una malautía mental ye un estato de desorden en o cerebro que tien como consecuencia una alteración grieu en o pensamiento, sentimentos, emocions u conducta d'a persona afectata. Ye una deficiencia en o proceso d'organización progresiva d'a personalidat, que allora leva asociato un proceso de regresión. Cal distingir a malautía mental d'o retardo mental.^[1] Bi ha diferents tipos de trestuques mentals, y muitas facetas diferents d'o comportamiento y a personalidat humana pueden gosar estar trestuques.^[2]^[3]^[4]^[5]

O tractamiento d'as malautías mentals puet fer-lo una especialidat medica como a psiquiatría, encara que psicologos y medicos de familia tamién i pueden intervenir. S'emplegan medicamentos, ditos psicofarmacos, psicoterapia u as dos cosas combinatas.

En as malautías mentals s'estableixe a diferencia entre neurosi y psicosi, pendendo basicament en o feito de que en a neurosi l'afectato ye conscient d'o que li pasa y os cambios en la conducta no tienen tanta intensidat como en a psicosi.

Encara que afecta la conducta y emocions d'a persona (a diferencia d'as malautías fisicas) cal no discriminar a los malautos mentals y cal que istos no se sientan estigmatizatos por o feito de tener a suya malautía.

En o mundo occidental una de cada 5 personas adultas tien cada anyo un desorden mental encara que d'istos nomás a metat tienen sintomas prou grieus ta afectar a la suya vida normal. En os menors de 18 anyos os datos d'afección se reducen a lo 12% y gran parti d'os chóvens se recuperan sin que a malautía contine en a edat adulta.

Se veiga tamién

Psicoterapia.

Referencias

↑ (ca) Malaltia mental. Diccionari enciclopèdic de medicina, Enciclopèdia Catalana, S.A. 1997-2009
↑ (en) webmd.com Gazzaniga, M.S.; Heatherton, T.F. (2006). Psychological Science. Nova York: W.W. Norton & Company, Inc.
↑ (en) WebMD, Inc. (01 de chulio de 2005). Mental Health: Types of Mental Illness.
↑ (en) Overview of Mental Illness United States Department of Health; Human Services (1999).
↑ (en) NIMH (2005) Teacher's Guide: Information about Mental Illness and the Brain Curriculum supplement from The NIH Curriculum Supplements Series