- Iste articlo ye sobre una cinta biografica y belica estausunidense de l'anyo 1977; ta atros usos, se veiga MacArthur.
MacArthur (títol orichinal en anglés, enguerada en Aragón con o títol en castellano de MacArthur: El general rebelde, en aragonés MacArthur: o cheneral rebel) ye una cinta de cine estausunidense de cine belico biografico de l'anyo 1977 dirichida por Joseph Sargent seguntes un guión orichinal de Hal Barwood y Matthew Robbins, con una banda sonora orichinal de Jerry Goldsmith, una dirección de fotografía de Mario Tosi y una producción cinematografica de Frank McCarthy ta la productora cinematografica Universal Pictures. L'elenco d'actors d'a cinta ye formau, entre d'atros, por Gregory Peck, Ed Flanders, Dan O'Herlihy, Ivan Bonar, Ward Costello, Nicolas Coster, Marj Dusay, Art Fleming, Russell Johnson y Sandy Kenyon.
A cinta se centra en a biografía d'o cheneral de l'exercito estausunidense Douglas MacArthur mientres a Segunda Guerra Mundial, a posguerra y la guerra de Corea, con caracteristicas bien amanadas d'una hagiografía en o suyo tractamiento d'os feitos. Ambientada en os anyos 1942 dica 1952 en Filipinas, Australia, Chapón, Corea d'o Sud y Washington, DC, MacArthur se rodó en Los Angeles, San Diego y atros puestos de California y en l'estau de Nueva York.[2] A cinta fue nominada a un Premio Globo d'Oro en a suya 35ena edición a lo Millor Actor Dramatico, a l'actor Gregory Peck.
Se veiga tamién
Referencias
Vinclos externos
.svg){kind=small}
