Leon Trotsky u Leon Trotski (en ruso y alfabeto cirilico Лев Давидович Троцкий; en ucrainés Лев Давидович Троцький) ye o pseudonimo u nombre de clandestinidat afoptato por Lev Davidovich Bronstein, un politico revolucionario ruso, teorico d'o marxismo y establidor d'a suya escuela dita trotskismo (u trotskysmo). Yera naixito de l'oblast de Khersón (Imperio Ruso, hue Ucraína) o 7 de noviembre de 1879 y morió asasinato por o stalinista Ramón Mercader o 21 d'agosto de 1940 en o suyo exilio en Coyoacán (Ciudat de Mexico, Mexico).[1]
Destacato partecipant en a Revolución rusa, Trotsky ocupó cuantos cargos politicos mientres os Gubiernos de Lenin, estando l'organizador de l'Exercito Royo sovietico que redotó a los contrarrevolucionarios en a Guerra Civil rusa en os anyos 1920. Sindembargo, cuan morió Lenin y Stalin prenió o poder, Trotsky se li enfrontó, establindo a dita Oposición d'ezquierdas y habendo-se d'exiliar. En os anyos 1930 estió un activo opositor d'a figura de Stalin, destacando por as suyas criticas a los alcuerdos sinyatos por Stalin con o Tercer Reich d'Adolf Hitler y convertindo-se en enemigo mortal d'o dictador ruso, qui fació que l'asasinasen. En os anyos 1930 estió establidor d'a dita IV Internacional, formata por partius d'ezquierda radical como alternativa a la III Internacional controlata por os partidarios de Stalin.
Referencias
Vinclos externos
.svg){kind=small}
