Legend of the Lost (títol orichinal en anglés, en aragonés A leyenda d'o perdiu, enguerada en Aragón con o títol en castellano d'Arenas sangrientas, en aragonés Arenas sanguinosas) ye una cinta de cine d'aventuras dramaticas de l'anyo 1957 coproducida por o cine estausunidense y lo cine italiano dirichida por Henry Hathaway seguntes un guión orichinal de Ben Hecht y Robert Presnell, con una dirección de fotografía de Jack Cardiff, una banda sonora orichinal d'A.F. Lavagnino y una producción cinematografica de Henry Hathaway y John Wayne ta las productoras Batjac Productions y Dear Film Productions, y que conta con un elenco d'actors, en os suyos papels principals, formau por John Wayne, Sophia Loren, Rossano Brazzi, Kurt Kasznar, Sonia Moser, Angela Portaluri y Ibrahim El Hadish.
En Timbuktú (en l'actual Mali) Paul Bonnard prepara una expedición ta buscar un suposau tresoro que se troba amagau en bella ciudat mitica en bel meyo d'o desierto d'o Sahara. Vive obsesionau por o feito que su pai li heba afirmau que él heba trobau ixa ciudat y consigue contractar a Joe January, un experimentau guía que conoix bien o desierto y que accepta a mala raca. Dita, una antiga prostituta que s'ha enamorau de Paul, decide acompanyar-los en a periglosa aventura, encara que Joe se'n opone. Mientres o viacha a traviés d'o desierto, Dita y Joe descubren que sienten una atracción mutua y ixo incrementa las tensions en o grupo.
Legend of the Lost s'ambienta asinas en a ciudat de Timbuktú en Mali en calendata indeterminada mientres o sieglo XX y las suyas escenas se filmoron en l'antiga ciudat de Leptis Magna en l'actual Libia, en cuantos escenarios naturals y localidaz d'ixe mesmo país y en os estudios de Cinecittà en Roma (Italia).[2]
Se veiga tamién
Referencias
Vinclos externos
