Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Le Cateau-Cambrésis
Comuna de Francia
O centro d'a comuna.
Estau  • Rechión  • Departam.  • Districto  • Cantón	Francia Altos de Francia Norte Cambrai Le Cateau-Cambrésis
Mancomunidat	Mancomunidat du Pays de Matisse
Superficie	27.24 km²
Población  • Total  • Densidat	6929 hab. (2013) 274 hab/km²
Altaria  • Meyana  • Maxima  • Minima	96 m 157 m 84 m
Alcalde	Serge Siméon
Codigo postal	59360
Codigo INSEE	59136
Coordenadas	50° 6’19’’N 3°32’28’’E
Le Cateau-Cambrésis Le Cateau-Cambrésis en Francia

Le Cateau-Cambrésis ye una comuna francesa, en o districto de Cambrai, cantón de Cateau-Cambrésis, departamento de Norte y rechión d'Altos de Francia.

A suya superficie ye de 27,24 km², a suya población ye de 7.453 habitants en 1999 y a suya densidat de población ye de 274 hab/km².

Le Cateau-Cambrésis ye a unión de dos vicos, Péronne y Vendelgies. Vendelgies tien una antiga fortaleza en matera, o castiello de Sainte-Marie, en un emplazamiento estratechico amanato a dos antigas calzatas romanas.

L'emperador d'o Sacro Imperio Romano Chermanico Otón III permetió a la diocesi de Cambrai reforzar as defensas d'o castiello y transformar a ciudat en una villa fortificata, y tamién a realización d'un mercato y a emisión de moneda. Asinas, o suyo nombre mutó ta Chastel en Cambrésis (por Cambrai), antecedent d'o nombre actual.

A ciudat fue conquiesta en o sieglo XV por os angleses, pero dimpués fue reconquiesta por Cambrai. Fue espullata en 1555 por os franceses, como castigo porque a ciudat heba albergato a l'emperador Carlos Quinto. En 1559 Francia y Espanya sinyoron en Cateau-Cambrésis a Paz de Cateau-Cambrésis, en as personas d'o rei d'Espanya Felipe II y d'o rei de Francia Enrique II. Seguntes as clausulas d'a Paz, Espanya cedeba a Francia bellas plazas fuertes en Flandres y os bispatos de Toul, Metz y Verdun.

En 1642, Le Cateau-Cambrésis fue ocupata por tropas francesas, y lo rei francés Loís XIII fació esboldregar as murallas y as puertas d'a ciudat.

En 1678, Le Cateau-Cambrésis fue incorporata a Francia, seguntes o Tratado de Nimega.

En as Guerras Revolucionarias Francesas, a ciudat fue conquiesta por l'exercito austriaco en 1793, y en as Guerras Napoleonicas por l'exercito ruso en 1814.

Mientres a Primera Guerra Mundial, a ciudat habió importants destruccions, especialment en a batalla de Cateau-Cambrésis, o 28 d'agosto de 1914, entre os exercitos britanico y alemán. Esta batalla permetió a recuperación d'os Aliaus y la posterior victoria en a batalla d'o Marne.

En 1940, Le Cateau-Cambrésis fue travesata por a 7ª División Panzer d'o cheneral Erwin Rommel, dimpués de bels combaz a man d'a ciudat.

• Adolphe Édouard Casimir Joseph Mortier, mariscal de Francia y duque de Treviso, en 1768.
• Henri Matisse, pintor (31 d'aviento de 1869).

• (fr) Ofizina de turismo municipal.
• (fr) Museu Matisse.
• (fr) Le Cateau-Cambrésis en a web d'o Institut Géographique National.