- Iste articlo ye sobre una cinta d'aventuras angloestausunidense de l'anyo 2004; ta atros usos, se veiga King Arthur.
King Arthur (títol orichinal en anglés, en aragonés Rei Arturo, enguerada en Aragón con o suyo títol traduciu enta lo castellano como El rey Arturo), ye una cinta de cine d'aventuras coproducida en l'anyo 2004 entre lo cine estausunidense, lo cine britanico y lo cine irlandés, dirichida por Antoine Fuqua seguntes un guión orichinal de David Franzoni (encara que inspirau en as leyendas d'o ciclo arturico sobre lo rei Arturo), con una dirección de fotografía de Sławomir Idziak, una banda sonora orichinal de Hans Zimmer y una producción cinematografica de Jerry Bruckheimer ta las productoras Touchstone Pictures, Jerry Bruckheimer Films, World 2000 Entertainment y Green Hills Productions. L'elenco d'actors d'a cinta ye composau por Clive Owen, Keira Knightley, Stellan Skarsgård, Stephen Dillane, Ray Winstone, Hugh Dancy, Til Schweiger, Ioan Gruffudd y Mads Mikkelsen, entre d'atros.
King Arthur conta la historia d'un chefe militar romano en a isla de Britania (actual isla de Gran Bretanya) que manda a un grupo de caballers d'orichen sarmata ta luitar en a isla contra los pictos dirichius por Merlín, dica que plegan en a isla uns nuevos invasors, os pueblos chermanicos d'anglos, chutos y saxons. Arturo cal que luite con os suyos caballers contra Cerdic, o deslamau chefe saxón, ta protecher a una important familia romana. A cinta s'ambienta en l'actual Anglaterra (alavez la provincia romana de Britania) en o sieglo V y se filmó en Anglaterra (Pinewood Studios en Buckinghamshire), Galas y Irlanda (Dublín, condau de Cill Dara y atros puestos). King Arthur recibió bels premios y nominacions.
Se veiga tamién
Referencias
Vinclos externos
