Juan Francisco Cristóbal Luis Fernández de Híjar y Fernández de Heredia ye naixito lo 6 d'octubre de 1552 y morió lo 13 d'abril de 1614, fillo de Luis Fernández de Híjar y Ramírez d'Arellano (X barón d'Íxar) y de Polita Ferrández d'Heredia y Cuevas. En l'anyo 1599 lo rei Felipe I d'Aragón autorizó que tenés lo títol de duque, con lo que Juan Francisco Cristóbal Luis Fernández de Híjar se convertió en lo II duque d'Íxar.
Se casó dos vegatas y tenió fillas con la segunda muller, Francisca de Castro-Pinós y Fenollet y Zurita. Las fillas heredoron los suyos títols nobiliarios suyos.
Cuan lo suyo mandato se produció la expulsión de los moriscos, y tamién de los "cristianos nuevos". Lo II duque fació venir "cristianos viellos" d'atras tierras. Lo día 28 d'agosto de 1611 concedió privilechios a los repobladors cristianos d'Íxar en un documento firmato debant de lo notario reyal Chuan Batista de Lanuza, y lo mesmo fació lo día 12 de setiembre con los repobladors de La Puebla d'Íxar y lo día 28 de setiembre con los d'Urreya de Gayén. En lo texto de lo 28 d'agosto de 1611 escriben lo suyo nombre como Don Juan Francisco Fernández de Ixar y Cabrera Duque y Señor de Ixar y Conde de Velchite, y podemos leyer encara bel aragonesismo como llegallo y llegallero.
