Isabel Macías Chow (Zaragoza, 11 d'agosto de 1984), ye una atleta aragonesa especializata en o meyo fundo. En l'actualidat tien o récord d'Aragón d'atletismo de 1.500 metros lisos y os suyos equipos estioron o Puerto Alicante OHL, o CD Bidezabal y o CA Valencia Terra i Mar[3] y en l'actualidat o Simply Scorpio-71 de Zaragoza.[4]
D'entre as suyas partecipacions en a preba de 1.500 metros lisos en campionatos estatals, cal destacar a suya victoria en o Campionato d'Espanya d'Atletismo de 2011 y as suyas victorias en o Campionato d'Espanya de Pista Cubierta en as edicions de 2011, 2012 y 2014. A mas a mas estió campiona d'Espanya y d'Aragón en categorias inferiors en 1.500, 800 y campo a traviesa y Campiona d'Espanya Universitaria de 1.500 en 2004 y 2011.
D'entre as suyas partecipacions internacionals cal destacar a suya medalla d'archent en o Campionato d'Europa d'Atletismo en pista cubierta de Goteborg 2013,[5] y a suya medalla d'oro en Campionato Iberoamericano d'Atletismo en a suya edición de 2006.
Tamién ye destacable a suya partecipación en os Chuegos Olimpicos de Londres 2012.
Referencias
Vinclos externos
