Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Teresa Perales
A nadadora aragonesa Teresa Perales, en una imachen de 2013.
Teresa Perales.Campeonato de España de Natación Paralímpica por Selecciones Autonómicas.
Naixió de Zaragoza o 29 d'aviento de 1975. A suya paraplexia no l'ha privau de desembolicar una brilantisma carrera esportiva. Con 19 anyos, Teresa perdió a movilidat dende a cintura enta abaixo, por causa d'una neuropatía. Dimpués de bels meses, Teresa aprendió a nadar y en cosa d'un anyo empecipió a competir.[5][6] Prencipió a destacar en 1998 cuan, en os Campionatos d'o Mundo de Nueva Zelanda, se fació con o bronce en 50 metros libres. A l'atro anyo ya aconsiguió cuantas medallas en os Campionatos Europeus: medalla de bronce en 50 y 100 libres, y en 50 estilo paixarela; y medalla d'archent en 200 libres, 4x50 libres y 4x50 estilos.
La suya consagración arriba en l'anyo 2000, cuan acude ta os Chuegos Paralimpicos de Sydney. Astí aconsigue cuatro medallas de bronce -100 y 200 libres, 50 espalda y 50 libres- y l'archent en 50 metros paixarela.
Atenas 2004
En os Chuegos Paralimpicos d'Atenas2004, Teresa Perales fació l'actuación mas destacada dica alavez. I aconsiguió tres medallas de bronce -100 braza, 50 espalda y 50 libre-, l'archent en 4x50 relevos, y os oros en 50 metros paixarela y 100 metros libres.[7]
O periodo 2004-2008
Dos anyadas mas tardi, en o Campionato d'o Mundo celebrau en Sudafrica, se fació con o bronce en 50 metros libres y espalda, y con l'archent en 50 metros paixarela.[8]
En noviembre de 2007, en o Campionato Britanico de Natación en Piscina Curta, Teresa batió os records d'o mundo de 100 y 200 metros libres de natación adaptada, y asinas conquirió dos nuevos oros a os que habría que sumar atros dos que en ganó a l'atro'l día en as prebas de 50 metros paixarela y 50 metros libres.[9]
Entre os días 28 y 30 de marzo de 2008, Teresa aconsiguió tres medallas d'oro en tres prebas disputadas en o French Swimming Championships, Open Internacional de natación celebrau en a ciudat francesa de Nancy.[10]
Pekín 2008
En os Chuegos Paralimpicos de Pekín2008 estió a on a nadadora aragonesa se coronó como una d'as prencipals figuras d'a cita olimpica con tres medallas d'oro (en 50, 100 y 200 metros libres), una d'archent (en os 50 espalda) y una de bronce (en 100 braza) y antiparte, dos récords mundials.[11][12][13]
Ixas 5 medallas fuoron una gran fita en a historia d'o esporte aragonés. Con ellas, Teresa Perales se tornaba en a esportista espanyola con mas medallas en os Chuegos Olimpicos.[14]
O 17 de septiembre de 2008, Teresa fue esleyida, por votación d'os esportistas paralimpicos, miembro d'o Consello d'Esportistas d'o Comité Paralimpico Internaciona.[15]
En 2007, publicó o libro autobiográfico: Mi vida sobre ruedas.[21]
Por dos anyadas, fue profesora en a Universidat de Zaragoza impartindo l'asignatura de libre elección Fisioterapia en o esporte paralimpico.[22]
Distincions individuals
O 4 d'octubre de 2008, o pleno d'o Concello de Zaragoza li atorgó o titol de Filla predilecta de Zaragoza.[23]
A l'atro'l día y coincidiendo con o 200 aniversario d'os Setios de Zaragoza, Teresa y atras aragonesas recullioron a medalla d'Homenache a las Heroinas de mans de l'alcalde d'a ciudat, Juan Alberto Belloch.[24]
En l'anyo 2021 se le atorga o Premio Princesa d'Asturias d'os Esportes por o suyos excepcional palmarés esportivo y a o suyo profundo, activo y valient compromiso social y se reconoixe o esfuerzo y a capacidat de superación de tot un colectivo.[3]
Bibliografía
Teresa Perales, Mi vida sobre ruedas: La lucha de una mujer, campeona paralímpica, de natación y política, para afrontar con Optimismo su discapacidad, Esfera de los libros, 2007. ISBN 9788497346535.
Javier Lafuente, Gran Enciclopedia de los Deportistas Aragoneses, Diario Equipo.
.svg){kind=logo}
