Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Irlandeses Na hÉireannaigh
Rechions con comunidaz importants
Irlanda 4.333.000 (2020) Irlanda d'o Norte 1.800.000
Estaus Unius 30.352.567 (2019) Gran Bretanya 14.000.000 Canadá 4.627.005 (2016) Australia 5.900.000 Archentina 1.000.000 Mexico 600.000 Aragón 115[1]
Idiomas
Gaelico irlandés y anglés
Relichión
Catolicismo.
Pueblos relacionaus
Maneses, escoceses de los Highlands
Mapa

Los irlandeses^[2] (en gaelico irlandés Muintir na hÉireann u Na hÉireannaigh, en anglés Irish people) son los habitants nativos d'a Isla d'Irlanda (Irlanda y Irlanda d'o Norte) dende a on muitos emigroron ta Estaus Unius, ta diferents colonias de l'Imperio Britanico y Latinoamerica, constituindo-ie una diaspora irlandesa. Toz parlan anglés y només que bels mils charran lo gaelico irlandés como luenga materna. Son de relichión catolica.

La base de la economía tradicional ye la ganadería y l'agricultura. Son un pueblo que tien a la musica como una parte important d'a vita, son especialment importants as cancions tradicionals y cualques estrumentos musicals.

En l'antiguedat los irlandeses teneban una relichión politeísta común con atros pueblos celtas dita druidismo. La cristianización d'Irlanda se produció en l'alta Edat Meya. La tradición considera a Sant Patricio como responsable de lo principio de cristianización y capaz de fer convertir-se a la clase sacerdotal gaelica u fili (continadors de los druidas). Los primers cristianos irlandeses no s'aliniaban con lo catolicismo romano, y tendeban a lo pelachianismo. Bi habió una Ilesia Celta deseparata de la Ilesia Catolica caracterizada por un monaquismo cheneralizau. La Ilesia Celta d'Irlanda remató por unir-se a la Ilesia Catolica en la baixa Edat Meya. Los irlandeses se facioron catolicos cerrinos como signo d'identidat etnica pa diferenciar-sen de los angleses que se facioron protestants en lo sieglo XVI.

Ta mas información, se veiga l'articlo prencipal sobre l'idioma irlandés.

Ta mas información, se veiga l'articlo prencipal sobre l'anglés irlandés.

En lo sieglo XIX se cheneralizó l'uso de l'anglés (dialecto anglés irlandés), retaculando l'uso de lo gaelico irlandés enta zonas orientals de la isla. La independencia d'Irlanda ha suposato que lo irlandés siga cooficial con l'anglés, l'augmento de neoparlants pero no l'aumento de parlants nativos, continando la cheneralización de l'anglés irlandés como luenga d'uso corrient en los zaguers reductos de lo gaelico.