L'Imperio Alemán yera una confederación d'estaus que heba succediu a la Confederación Alemana d'o Norte y que, como ista atra confederación, yera controlada por o Reino de Prusia, estando lo rei d'iste país l'emperador d'Alemanya. Yera consecuencia d'una unificación d'Alemanya seguntes a Kleindeutsche Lösung (u "solución d'a chicota Alemanya"), dita asinas por estar una unificación d'os países de luenga alemana sin os territorios d'Austria, que feban parte de l'Imperio Austrohongaro.
De l'Imperio en feban parte 22 monarquías, 3 republicas y un territorio imperial, Alsacia-Lorena, y teneba la suya capital en a ciudat de Berlín, que yera amás a capital d'o Reino de Prusia, l'estau dominant de l'Imperio. O poder lechislativo yera bicameral, con una primera cambra esleyida por sufrachio universal (354 deputaus) y una segunda cambra con representants nombraus por os reis (u grandes duques u duques) de l'imperio, encara que proporcionalment a l'importancia relativa d'o suyo reino, con a cual cosa o Reino de Prusia yera l'arbitro, nombrando 17 deputaus d'un total de 54.
Mientres os anyos 1930 y anyos 1940 o nazismo clamaba a lo periodo de l'Imperio Alemán Segundo Reich, estando considerau como lo Primer Reich o Sacro Imperio Romano Chermanico y o Tercer Reich o mesmo rechimen nazi, marcando asinas una pretesa continidat historica entre l'Imperio de radices medievals, o militarismo de l'Imperio Alemán y o nazismo d'o Tercer Reich.
.svg){kind=small}
.svg){kind=small}
.svg){kind=small}
.svg){kind=small}
-de.svg)
