How to Lose a Guy in 10 Days (títol orichinal en anglés, en aragonés Cómo perder a un chiquet en 10 días, enguerada en Aragón con o suyo títol traduciu enta lo castellano como Cómo perder a un chico en 10 días) ye una cinta de comedia romantica chermano-estausunidense de l'anyo 2003 dirichida por Donald Petrie seguntes un guión de Kristen Buckley, Brian Regan y Burr Steers basau en How to Lose a Guy in 10 Days, un libro ilustrau de Michele Alexander y Jeannie Long a on nomás que s'explican as situacions que fan perder a una parella, pero no i amanixen os personaches d'a cinta. Con una Banda Sonora Orichinal de David Newman, una dirección de fotografía de John Bailey y una producción cinematografica de Lynda Obst, Robert Evans y Christine Peters ta las productoras Paramount Pictures y W2 Film Production, l'elenco d'actors principals d'a cinta se composa de Kate Hudson, Matthew McConaughey, Kathryn Hahn, Annie Parisse, Adam Goldberg, Michael Michele y Shalom Harlow.
Ambientada mientres os anyos 2000 en a ciudat de Nueva York, la cinta se filmó en ixa mesma ciudat pero tamién en a ciudat de Toronto en Ontario (Canadá), y explica la situación en que se troban una choven periodista y un choven publicista que, cadagún d'éls por o suyo motivo, amenistan enamorar a l'atro. Ye una comedia simpla pero que tenió un important exito de publico, y l'actriz Kate Hudson obtenió con ista cinta lo recaudo mas alto d'a suya carrera interpretativa.
Se veiga tamién
Referencias
Vinclos externos
