- Iste articlo ye sobre una cinta de western epico biografico d'aventuras estausunidense de 2004; ta atros usos, se veiga Hidalgo.
Hidalgo (títol orichinal en anglés, Fidalgo en aragonés, enguerada en Aragón con o títol en castellano de Océanos de fuego, en aragonés Oceanos de fuego) ye una cinta coproducida entre lo cine estausunidense y lo cine marroquín l'anyo 2004 de cine de western d'aventuras biografico y epico, dirichida por Joe Johnston seguntes un guión orichinal de John Fusco, con una banda sonora orichinal de James Newton Howard, una dirección de fotografía de Shelly Johnson y una producción cinematografica al cudiau de Casey Silver ta las productoras Touchstone Pictures y Casey Silver Productions. L'elenco d'actors ye formau, en os suyos papels principals, por Viggo Mortensen, Zuleikha Robinson, Omar Sharif, Louise Lombard, Adam Alexi-Malle, Saïd Taghmaoui, Silas Carson, Harsh Nayyar y J.K. Simmons.
Hidalgo conta la historia d'un mestizo d'amerindio lakota, Frank T. Hopkins, a qui convidan a partecipar en una important cursa de caballos que s'escayecerá en o desierto d'Arabia y a on competirán os mas destacaus chinetes d'o mundo, en competindo contra los beduins y los suyos caballos de raza arabe, y que decide de destinar l'importe d'o premio, si puet ganar a cursa, a protecher a lo caballo Mustang que vive salvache en belas planas d'os Estaus Unius. A cinta s'ambienta asinas en 1891 en l'actual Arabia Saudita y en Dakota d'o Sud y se rodó en Marruecos y en os estaus de Montana y Dakota d'o Sud en Estaus Unius.
Se veiga tamién
Referencias
Vinclos externos
