- Iste articlo ye sobre l'emperador romano. Ta atros usos se veiga Hadrián (desambigación)
Hadrián (en latín Caesar Publius Aelius Traianus Hadrianus Augustus), naixito d'Italica (Imperio Romano) o 24 de chinero de 76 y muerto en Bayas o 10 de chulio de 138, estió un emperador de l'Imperio Romano, dende o 117 dica o 138.
Antes d'estar emperador participó en as Guerras Dacias. Como emperador Hadrián esclafó a Revuelta de Bar Kokhba en Chudea, pero tenió una politica exterior poco militarista con a intención de defensar unas mugas estables (por eixemplo debantó o Muro d'Hadrián en Britania), y evacuó Mesopotamia, o que permitió a paz con l'Imperio Parto.
Mencions en fuents aragonesas y navarras
En o "Libro d'as Marabillas d'o Mundo" en fan mención:
et depues
Adrian o emperador qui hera d'aqueillos de
troya la grant Refezo la Cibdat de
jherusalem e el templo en aqueilla mesma guisa que
solomon l'auia fecho
Ye mencionato en a traducción aragonesa de "Historia Romana" acomandata por Chuan Ferrández d'Heredia on lo comparan con Valentinián II:
...Fué(l) semblant en costumbres a
Aurelián, fué agro en aquellas cosas que dictas he et fué proisme
Adrián. Pintava(m) mucho bellament, excogitava no-vellas armas, fenyía ab cera o ab lim
ymagens o ýdoles, prudelment usava en lugar et en tiempo de fablar. Et por aquesto que breument conclua, si el freiturás de malos hombres et ssuzios a los quales se era dado así como a molt(n) feels et prudentes, sins dubta el fuera estado perfecto príncipe.
