- Iste articlo ye sobre una cinta estausunidense de l'anyo 1956; ta atros usos, se veiga Great Day in the Morning (desambigación).
Great Day in the Morning (títol orichinal en anglés, Gran día de maitín en aragonés, enguerada en Aragón con o títol en castellano de Una pistola al amanecer, en aragonés Una pistola en esclareixer) ye una cinta de western estausunidense de l'anyo 1956 dirichida por Jacques Tourneur seguntes un guión adaptau por Lesser Samuels, basau en Great Day in the Morning, una novela publicada en 1950 por Robert Hardy Andrews. La cinta ye producida por Edmund Grainger ta la suya productora cinematografica Edmund Grainger Productions, Inc., la suya Banda Sonora Orichinal ye de Leith Stevens, la suya dirección de fotografía ye de William E. Snyder y en l'elenco d'a cinta trobamos en os prencipals papels protagonistas a actors como Virginia Mayo, Robert Stack, Ruth Roman u Alex Nicol.
L'acción d'a cinta se desembolica en 1861 en a ciudat de Denver, en Colorado mientres a Guerra Civil d'os Estaus Unius, y las suyas escenas se filmoron en a localidat de Silverton en o mesmo estau de Colorado.[2] En Great Day in the Morning se conta la historia de Owen Pentecos, qui plega en Denver procedent de Carolina d'o Norte y en plegar-ie conoix a Ann Merry Alaine, una mesacha que tamién ha plegau en Denver ta ubrir una botiga de ropa. Nomás plegar, Owen gana lo saloon d'a localidat en una partida de poquer a on ha contau con l'aduya de Boston Grant, una mesacha que treballa en o saloon. Bien luego mesmo Boston que Ann Merry s'enamorarán d'o choven Owen.
Se veiga tamién
Referencias
Vinclos externos
.svg){kind=small}
