El Villarecho (El Villarejo en castellano y oficialment) ye un pedanía[2] de Terrient, en la comarca de la Sierra d'Albarracín y en la provincia de Teruel.
Toponimia
Lo toponimo Villarecho deriva de Villar con lo sufixo -echo. Devez, la palabra villar deriva de villa y puede estar indicativa de despoblación, de feito en la provincia d'Avila tiene lo significau d'expleitación agraria. En la Sierra d'Albarracín se troba a sobén Villarejo como microtoponimo que indica puestos que estioron suposaus nuclios de población[3]. En la grafía medieval los podemos veyer como Villarejo u Villareio, conoixendo-se la forma Villarecho en las actas de lo proceso de Corz d'Alcanyiz de 1436 referiu a atro Villarecho de la zona entre Albarracín y Exea d'Albarracín:
Mas avant dizen los ditos procuradores que la población vulgarment clamada Exea de Albarrazin e las masadas vulgarment clamadas La Cueva Cardencla e El Villarecho fueron, eran e son sitiadas en los terminos e dentro de los terminos e son de los terminos de la dita ciudat de Albarrazin e de sus aldeas e del su districto e jurisdiccion de la dita ciudat de Albarrazin e de los officiales de aquella,
Cheografía
El Villarecho ye en la part sudueste de lo termin municipal de Terrient en una zona que desaugua enta lo río Cabriuel a traviés de lo suyo afluent rambla de Villarecho. Se plega a El Villarecho baixando enta l'ueste dende lo puerto de Terrient por carretera TE-65. Dende ixe puerto las localidaz mes accesibles son Terrient a lo norte y Toril a lo sud.
Historia
En los sieglos XVI y XVII los habitants d'El Villarecho perteneixeban a la categoría de barraños por no vivir en garra aldeya de la Comunidat d'Albarracín y estar consideraus vecins de la ciudad d'Albarracín. Manimenos, por haber de pagar la peita como los aldeyanos y haber-se de recullir esta peita en Terrient y no en la ciudat d'Albarracín apareixen en la documentación como barraños de Terriente[4].
En 1618 Sebastián de Utienes feba mención d'El Villarecho como una masada[2]:
Item en la masada llamada el Villarejo la hermita...
El Villarecho perteneixió a lo Correchimiento d'Albarracín entre 1711 y 1833. En 1857 figuraba como una aldeya de Terrient[5].
Puestos d'intrés
Referencias
- ↑ (es) Javier Martínez: Albarracín y los Montes Universales. Rutas CAI por Aragón, nº 3. CAI, 2003, p 81.
- ↑ 2,0 2,1 2,2 (es) César Tomás Laguía: Las iglesias de la diócesis de Albarracín, Revista Teruel, nº 32, 1964, pp. 130-138.
- ↑ (es) Juan Manuel Berges Sánchez: Actividad y estructuras pecuarias en la Comunidad de Albarracín (1284-1516). Editor: CECAL, 2007. pp 241-242.
- ↑ (es) Eloy Cutanda Pérez: La Comunidad de Albarracín en los siglos XVI y XVII (hacienda, élites, poder). Centro de Estudios de la Comunidad de Albarracín (CECAL), 2010. ISBN 978-84-693-1016-8. pp 87-89.
- ↑ (es) Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. pp 499-500.
.svg){kind=small}
