Dólar australiano
Australian dollar
|
Billez de dólars australianos
|
Información cheneral
|
| Codigo:
|
AUD
|
| Ambito:
|
 Australia
 Kiribati
 Nauru
 Tuvalu
 Tonga
 Papua Nueva Guinea
 Zimbabwe
|
| Simbolo:
|
$, A$ u AUD
|
| Emisor:
|
Reserve Bank of Australia
|
Valors
|
| Fraccions:
|
100 centavos
|
| Monedas:
|
5c, 10c, 20c, 50c, $1, $2
|
| Billez:
|
$5, $10, $20, $50, $100
|
O dólar australiano (en anglés Australian dollar u simplament, dollar) ye a moneda oficial d'Australia y os suyos territorios dependients (as islas de Nadal, Cocos u Keeling, Heard y McDonald y Norfolk y os Territorio Antarctico Australiano), asinas como d'os estaus independients d'o Pacifico de Kiribati, Nauru y Tuvalu. En iste zaguer estau tamién se fan servir monedas especificas de Tuvalu (se veiga dólar de Tuvalu); encara que o dólar de Tuvalu no ye, legalment parlando, una unidat monetaria independent. Se fa servir tamién de forma no oficial en Tonga (chunto a o paʻanga), Papua Nueva Guinea (chunto a o kina) y Zimbabwe (chunto a atras muitas monedas).
Por un regular o dólar australiano s'abrevia $ u A$ i AU$ ta diferenciar-lo d'o dólar estausunidense y d'atros tipos de dólars. O codigo ISO 4217 ye AUD. Se subdivide en 100 cents.
En anglés se le diz popularment tamién Aussie battler ("batallador australiano"). Mientres un periodo de perduga de valor respecto a o dólar estausunidense (entre os anyos 2001 y 2002), localment se le deciba a vegadas Pacific peso ("peso d'o Pacifico").
O dólar australiano ye actualment o seiseno en o ranking de monedas mas usadas en o mercau internacional (dezaga d'o dólar estausunidense, o yen, l'euro, a libra esterlina y o dólar canadiense), ya que fa acto de presencia en un 4-5% alto u baixo d'o total de negocio mundial. O dólar australiano ye popular entre os cambiadors de monedas a causa d'a manca relativa d'intervención gubernamental en o mercau forano y por a estabilidat cheneral d'a economia y d'o Gubierno, y pareixe que ofreixe biens de diversificación en un index que contiene as prencipals monedas mundials (por eixemplo por a suya mayor exposición a las economías asiaticas y a o ciclo d'as materias).
Tasa de cambio
- 1 EUR = 1,49447 AUD (23/6/2016)
Vinclos externos
