- Iste articlo ye sobre una cinta de western estausunidense de 1956; ta lo pueblo amerindio, se veiga comanches; ta atros usos, se veiga Comanche (desambigación) y Comanche (cinta).
Comanche (títol orichinal, enguerada en Aragón con o títol de Duelo de razas) ye una cinta de cine estausunidense de cine de western de l'anyo 1956 dirichida por George Sherman seguntes un guión orichinal de Carl Krueger, con una banda sonora orichinal de Herschel Burke Gilbert, una dirección de fotografía de Jorge Stahl Jr. y una producción cinematografica de Carl Krueger ta la suya productora cinematografica Carl Krueger Productions. L'elenco d'actors d'a cinta ye formau, en os suyos papels principals, por Dana Andrews, Kent Smith, Nestor Paiva, Henry Brandon, Stacy Harris, John Litel, Lowell Gilmore, Mike Mazurki, Tony Carbajal, Linda Cristal, Reed Sherman y Iron Eyes Cody.
En 1875, amán de Victoria de Durango en o estau mexicano de Durango, un grupo de comanches ataca un lugar, secuestrando-ie a la filla d'un aristocrata espanyol. Perseguius por l'exercito mexicano, os comanches trescruzan a muga con os Estaus Unius fendo imposible la continación d'a persecución. Los estausunidenses ninvían ta que investigue a Jim Read, qui busca trobar-se con Quanah, o chefe d'oc comanches, ta proposar-li un alcuerdo, encara que mesmo entre los comanches que entre los estausunidenses bi ha contrarios a ixe acuerdo. Buen luego destaca entre los comanches contrarios a ixe alcuerdo Black Cloud, qui acusa a Jim d'asasinar a un comanche, cuan en relidat Jim li heba salvau a vida, cosa que finalment puet prebar cuan lo feriu recupera lo conoiximiento. Alabez Jim explica a Quanah que toz dos son primos, en estar sus mais dos chirmanas, y Quanah accepta plegar en un alcuerdo de paz con os estausunidenses. Tanimientres, mientres que Jim marcha en bsca d'un representant d'o Gubierno estausunidense ta l'alcuerdo, Black Cloud ataca y mata a un grupo de soldaus, y un funcionario incompetent decide atacar a los comanches.
A cinta s'ambienta en 1875 en o estau de Durango en Mexico y en Nuevo Mexico en os Estaus Unius, y las suyas escenas se filmoron tamién en o estau mexicano de Durango.[2]
Se veiga tamién
Referencias
