Clima d'Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
L'Aneto, cobalto d'os Pireneus, en o norte d'a provincia de Uesca.

O clima d'Aragón ye en termins chenerals un clima con hibiernos fríos y estius calurosos y secos.

Aragón cheograficament se troba encaixonau por os Pireneus por o norte, o Sistema Iberico por o ueste y sud, y as sierras costeras catalanas por o este; istas cadenas de montanyas actúan como barracalas y frenan a influencia ensuavecedora d'os mars y, a la vegada, a plegada d'os aires humidos, o cual produz una alta amplitut termica y pocas precipitacions de plevida u nieu.

Zonas climaticas

En Aragón se pueden distinguir tres zonas climaticas:

  • Zona de clima mediterranio continental: en a ribera d'Ebro, con grans contrastes termicos y tasas precipitacions.
  • Zona de clima de montanya: en os Pireneus y en o Sistema Iberico, con largos hibiernos y curtos y estius mollos.
  • Zona de clima continental: en as comarcas de Calatayut, Daroca y Teruel, con estius calidos y hibiernos muit fredos.

Estremos meteorolochicos

Moncayo, cobalto d'o Sistema Iberico, a l'ueste d'a provincia de Zaragoza

Lugar mas fredo

En febrero de 1956 i habió en Samianigo (Alto Galligo) -30 °C[1] y en Calamocha (Xiloca) en o 17 d'aviento de 1963 tamién s'aconsiguioron os -30 °C.[2]

Lugar mas calido

O 7 de chulio de 1982 se rechistroron 49 °C en Maella(Baixo Aragón-Casp).[3]

Lugar mas humido

Canfranc (Chacetania) con 1.839 litros per metro cuadrau per anyada ye lo lugar con mas precipitacions d'Aragón.

Lugar mas seco

Casp (Baixo Aragón-Casp) ye lo lugar mas seco d'Aragón con nomás 299 litros per metro cuadrau per anyada.

Estacions d'observación meteorolochica

Estacions historicas d'observación meteorolochica

Bella mazada

  • Cialo empedregau, a los trez dias mollau.
  • O cielo a cerpetas, l'agua a pocetas.
  • Boira roya pe'l maitín, chira l'augua ta'l molín.
  • Aire de puerto, a's tres diyas muerto.
  • Con os puertos escaldaus ya estamos amolaus.
  • Cuan pleve y fa sol, tiempo del caragol.
  • Febrer traidor, va matar a'l pai n'el lenyer y a la mai en el lavador.
  • Marzo marcero, tan pronto sol com'aguacero.
  • Pa San Antón pierde ra boira ra Deputación.[6]

Referencias

  1. ↑ (es) Eduardo Lolumo, Eva Berlanga, David Fernández:El tiempo y el clima de Aragón al alcance de todos, Mira editores, 2015, ISBN 978-84-8465-481-0, p.70
  2. ↑ (es) El día polar en el que se alcanzaron -30 grados centígrados en el corazón de España. El País. 17 d'aviento de 2019
  3. ↑ (es) Eduardo Lolumo, Eva Berlanga, David Fernández:El tiempo y el clima de Aragón al alcance de todos, Mira editores, 2015, ISBN 978-84-8465-481-0, p.144
  4. ↑ (es) La centenaria estación de Daroca que ejerció de ‘oráculo’ pese a tempestades y bombardeos. Hoy Aragón. 15 d'abril de 2020
  5. ↑ (es) El observatorio meteorológico de Calamocha cumple 75 años. Jiloca.es. 12 de chulio de 2016
  6. ↑ (es) José Enrique Gargallo Gil:Los refranes meteorológicos en aragonés, en el marco de la paremiología románica, Alazet 20, 2008, p.22