Claire Trevor, naixita de Nueva York (Nueva York) o 8 de marzo de 1910 y muerta en Newport Beach (California) o 8 d'abril de 2000, estió una actriz estausunidense, activa en o cine estausunidense dende meyatos d'os anyos 1930 dica zaguerías d'os anyos 1980, con cuantos premios recibitos mientres a suya carrera cinematografica. Yera conoixita como a reina d'o cine negro, en apareixer a ormino en cintas d'ixe chenero cinematografico interprentando papels de dolenta.
D'entre a suya filmografía, se puet mencionar as suyas interpretacions en bellas cintas como Dante's Inferno (1935, Harry Lachman), Dead End (1937, William Wyler), Stagecoach (1939, John Ford), Crossroads (1942, Jack Conway), Johnny Angel (1945, Edwin L. Marin), Key Largo (1948, John Huston), The High and the Mighty (1954, William A. Wellman), u Two Weeks in Another Town (1962, Vincente Minnelli).
Premios
En 1948, l'actriz Claire Trevor recibió o Premio Oscar a la Millor Actriz Segundaria de l'Academia d'as Artes y as Ciencias Cinematograficas de Hollywood por o suyo papel de Gaye Dawn en Key Largo, una cinta dirichita por John Huston. Tamién estió nominata ta o mesmo premio en l'anyo 1937 por a suya interpretación en a cinta Dead Endy y en 1954 por a suya interpretación en a cinta The High and the Mighty.
Vinclos externos
