- Iste articlo ye sobre una cinta estausunidense de cine de desastres de 1979; ta atros usos, se veiga City on Fire y City on Fire (cinta).
City on Fire (títol orichinal en anglés, en aragonés Ciudat en flamas, enguerada en Aragón con o suyo títol traduciu enta lo castellano como Ciudad en llamas y con o títol tamién en castellano d'Emergencia, en aragonés Emerchencia) ye una cinta de cine de desastres de cine estausunidense de l'anyo 1979 dirichida por Alvin Rakoff seguntes un guión orichinal de Jack Hill, Dave Lewis y Céline La Frenière, con una banda sonora orichinal de Matthew McCauley y William McCauley, una dirección de fotografía de René Verzier, una producción cinematografica de Claude Héroux ta la productora cinematografica Astral Bellevue Pathé y un elenco d'actors composau, en os suyos papels principals, por Barry Newman, Susan Clark, Shelley Winters, Leslie Nielsen, James Franciscus, Ava Gardner, Henry Fonda, Jonathan Welsh, Hilary Farr, Mavor Moore, Richard Donat, Terry Haig, Ken James, Donald Pilon, Cec Linder, Jefferson Mappin, Murray Cruchley, Jérôme Tiberghien, Mel Ryane, Anthony Sherwood y Nancy Beatty.
En una ciudat o suyo alcalde ha autorizau la construcción d'una refinería de petrolio en bel meyo d'a ciudat. Tiempo dimpués esclata un incendio en una casa y en fer un poder ta apagar-lo muere un pompero. Pero l'incendio ha feito que un emplegau descontento d'a refinería tienga la ideya de sabotiar a refinería y ixo provoca un incendio en a empresa. Amás, a traviés d'os conductos d'olioductos que trescruzan a ciudat l'incendio s'escampa por toda ella.
A cinta s'ambienta en bel lugar indeterminau d'Estaus Unius en a suya epoca actual (1979) y las suyas escenas se filmoron en Mont-reyal en Québec en Canadá.[2]
Se veiga tamién
Referencias
