Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O Chardín Chinés de l'Amistanza (en anglésChinese Garden of Friendship, en chinés tradicional 誼園, en chinés simplificau 谊园) ye un chardín chinés situau en Chinatown, Sydney, Australia. Disenyau seguntes o modelo d'os clasicos chardins privaus d'a dinastía Ming, o chardín ofreixe una anvista de l'herencio y a cultura chinesa.
Disenyo y situación
O Chardín Chinés de l'Amistanza fue disenyau por a ciudat de Guangzhou, localidat achirmada con Sydney situada en China. Chinatown complementa un aria ya rica en herencio y cultura chinesa. O chardín ubrió oficialment o 17 de chinero de 1988 como parti d'as celebracions d'o Bicentenario de Sydney y fue nombrau como chardín chinés de l'amistanza simbolizando a unión entre China y Australia.
O chardín ye situau en a esquina entre Day Street y Pier Street, en o districto de Darling Harbour, en o sitio a on se trobaba l'antiga empresa NSW Fresh Food and Ice Co, que chugo un papel important en a industria d'os frigorificos y concheladors en Sydney.[1]
Caracteristicas
O Chardín Chinés de l'Amistanza ye pleno de polidas plantas de bambú y brilants saltos d'augua. No se puet veyer o chardín entero dende dengún punto d'o chardín.
O chardín incluye muitos elementos como a Paret d'o Dragón, que simboliza a unión entre Nueva Galas d'o Sud y Guangdong. O dragón azul en l'augua representa a o estau de Nueva Galas d'o Sud y o dragón dorau en o cielo representa a la provincia de Guangdong.
Destacan tamién o Pabillón Acuatico d'a Fragancia de Loto, O Pabillón Cheminuco y a Casa d'o Té, que ofreixe té tradicional chinés y atras bebidas. O chardín tamién ye un puesto popular ta vodas y atras celebracions.
En a cultura popular
O chardín fue emplegau en una escena d'a cinta de superheois de 20th Century Fox de l'anyo 1995Mighty Morphin Power Rangers: The Movie y tamién en a cinta The Wolverine en octubre de 2012. Manimenos cuantas caracteristicas d'o chardín fuoron cambeadas u adaptadas ta ambientar a cinta en Chapón - por eixemplo se sacoron toz os caracters chineses y motivos con dragons y se construyió un pabillón temporal en o centro d'o laco.
.jpg)
