PROFILPELAJAR.COM

	Belchit; Belchite
	Municipio d'Aragón
	; Ilesia de lo Lugar viello de Belchit.
Entidat; • País; • Provincia; • Comarca	Municipio; Aragón; Zaragoza; Campo de Belchit
Partiu chudicial	Zaragoza
Superficie	273,7 km²
Población; • Total	; 1530 hab. (2013)
Altaria; • Meyana	; 447 m.
Distancia; • 48 km	; enta Zaragoza
Codigo postal	50130
Parroquial; • Archidiocesi; • Arcipestrau; • Parroquia	; Zaragoza; Belchit; Sant Martín Bispe
Ríos	río Aguas
Coordenadas	41°18’23’’N 0°45’16’’U
	Belchit Belchit en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Belchit (en castellano Belchite) ye una villa y municipio aragonés de la provincia de Zaragoza, capital de la comarca de Campo de Belchit.

La suya población ye de 1.665 habitants (2010), en una superficie de 273,7 km², con una densidat de población de 6,08 hab/km².

Cheografía

La villa de Belchit ye situata a 447 metros d'altaria sobre lo livel d'a mar, a una distancia de 48 km de la ciudat de Zaragoza, la capital de la suya provincia y d'Aragón.

Bi ha un centro d'interpretación de las estepas de la val l'Ebro porque Belchit ye cerca de las reservas de La Lomaza y Lo Planerón.

Mugas

Lo extenso suyo termin municipal rodeya de tot lo termin de Codo y muga con Almochuel, Binaceit, Íxar, Lecera, Almonecir de la Cuba, La Pobla d'Albortón, Mediana d'Aragón, Fuents d'Ebro, Quinto y Zaila.

La Pobla d'Albortón	Mediana d'Aragón, Fuents d'Ebro	Quinto
La Pobla d'Albortón		Zaila, Almochuel, Binaceit
Almonecir de la Cuba	Lecera

Presenta amés un enclau dito El Real entre os termins de Zaila, Quinto, Viliella d'Ebro y La Zaida.

Clima

A suya temperatura anyal ye 15.3 °C, con una temperatura meya en chinero de 7.28 °C y en chulio de 24.81 °C.^[1]

Historia

Belchit fue reconquiesto en tiempos d'Alifonso I lo Batallero en a campanya pa prener Zaragoza. En aviento de 1119 atorgó fueros favorables pa atrayer población.

En 1122 decició creyar a Confrairía de Belchit pa defensar a posición. Esta unidat militar contribuyó a la reconquiesta d'Íxar y Albalat de l'Arcebispe. Manimenos dimpués d'a derrota cristiana en a Batalla de Fraga en 1136 Belchit lo tornoron a ocupar os almurabiz por un tiempo, y habioron de confirmar as constitucions d'a Confrairía de Belchit en una sesión solemne en o Concilio de Burgos de 1136.

Una part de Belchit pertanyeba a la casa d'Íxar dende o primer sinyor d'Íxar Pero Ferrández d'Íxar. En l'anyo 1432 Alifonso V lo Magnanimo vendió l'atra part de Belchit a lo barón d'Íxar Chuan Ferrández d'Íxar y Centelles por 16.000 florins.

En l'anyo 1498 Ferrando lo Catolico li dió a dignidat de conte de Belchit a lo VIII sinyor Loís Ferrández d'Íxar y Beaumont por servicios a la Corona.

Lo 4 de marzo de 1838, mientres a Primera Guerra Carlista (Guerras Carlistas) tropas carlistas mandatas por lo cheneral Juan Cabañero y Esponera dentran en a ciudat, encara que lo 5 de marzo fuoron redotatas en Zaragoza en la Cincomarzada.

Belchit estió destruito mientres a guerra civil en la celebre Batalla de Belchit y habió de ser construito un nuevo lugar cerca de l'antigo.

Toponimia

Ye mencionato ya en fuents musulmanas andaluzas como Balsar (Al Udri), Balsand (Yaqut) u Hisn Bildid:

Entre los districtos de Zaragoza ye lo districto de Balsar a on se troba lo hisn al-Munastir.

Balsand ye un nahiya de Zaragoza, en Al-Andalus.

Manimenos seguntes Agustín Ubieto Arteta^[2] la suya primera cita estió l'anyo 1118 (en Jerónimo Zurita, Anales de la Corona de Aragón), y las variants de lo nombre son Belchit, Belgit, Belgith, Belgid, Belxit, Bellchit, Belcit u Uelgit.

D'entre estas variants, en textos en latín u aragonés medieval, mesmo en textos escritos tan luent como lo "Cartulario de lo Hespital de Santa Cristina de Somport", predomina la forma Belgit. La existencia de las variants Belchit y Belxit son una contrimuestra pa Manuel Alvar que la pronunciación de la g en aragonés medieval ya yera a ch actual africata xorda.

Bi ha bels microtoponimos en aragonés conservando la fonetica aragonesa, como una ermita y santuario ditos Pueyo, (ya mencionatos en 1333), Varellas y Puyacán.

Atros microtoponimos intresants, beluns con component en aragonés son: Las Lomazas, El Saso,Los abasales, Abasetes, Abelloteras, La Alberca, Algenzora, Algeciras, Almendolar, Alteros de la Chama, Amutel, Andador Nogueral, Andador Pradiel, Andador Pichuel Tancas, Anega roya, Las Arnas, Val de las Chilas, Acequia filada Castán, Acequia Cuna, Acequia Lastras, Acequia Lomas Genzor, Acequia Mosén, Acequia de Los Paretones, Acequia Peironera, Acequia de la Perera, Acequia de las Planas, Acequia de Planerón, Acequia Salces, Acequia Tormos, Acequia de las Trancas, Val de Ginestrosa, Vajinestrosa, Valdearneta, Valdecordellas/Valdecordillas, Partida Balma, Balsa del Pueyo, Balsete de la Foya de los Caracoles, Valdespartera, Valsusana, Val de Chilas, Barranco de Bocafoz, Barranco del Bolar, Barranco de la Filada del Lechero, Barranco de Lopín, Varella de Chus Miguel, Varello Alto, Varello Postes, Varello del Serrano, Varillas, Boqueros, Deposito de los Escaramaches, La Fagina, La Filada, Firuela, Focino, El Forcino, Fuente la Fineta, Gallipuén, Golorcha, Ifesa Campos, Ifesilla, Jungaricos, Cabal del Prau, Cabezo d'el Pueyo, Camino Fierros, Camino Sisallar, Camino de la Chaina, Camino de la Chama, Campiseco, Campo Chines, Campura, Caniclar, Cañada de la Senda de la Migueleta, Caseta de los Chitos, Cogocha, La Colorcha, Corral de Castillón, La Laguna, Lardón, Las Lastras, Los Molines, Negarroya, El Nogueral, Paironera, Pano, Los Paretones, Pedriza, Penya Forada, Penya Roya, Pino Patos, La Plana, Planas de Cancercé, El Planerón, Plana Pierres, Plan Ruello, Pradiel, Refoya, Los Royales, El Ruello, Zafranales, El Sardón, Zoma, Tancas, El Tercón, Los Tormos, Chumiguel, Torretón, ecetra...

Demografía

Evolución demografica

1362 f	1495 f	1842	1857	1860	1877	1887	1897	1900
-	-	2.385	3.328	3.297	3.262	3.346	3.409	3.334

1910	1920	1930	1940	1950	1960	1970	1981	1991
3.604	3.599	3.812	4.728	3.536	2.650	2.147	1.682	1.536

1992	1994	1996	1997	1998	1999	2000	2001	2002
-	-	1.628	-	1.625	1.639	1.643	1.629	1.625

2003	2004	2005	2006	2007	2008	2009	2010	2011
1.570	1.572	1.621	1.633	1.647	1.692	1.671	1.665	1.683

2012	2013	2014	2015	2016	2017	2018	2019	2020
1.655	1.633	1.589	1.562	1.559	1.526	1.528	1.505	1.526

2021	2022	2023	2024	2025	2026	2027	2028	-
1.540	1.533	-	-	-	-	-	-	-

1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals^[3]^[4]
Partiu	1979	1983	1987	1991	1995	1999	2003	2007	2011	2015
Partido de los Socialistas de Aragón	1	2	2	2	2	2	6	6	5	4
Partido Popular	-	7	7	0	3	2	2	2	3	4
Partido Aragonés	4	-	-	6	4	4	1	1	1	1
Chunta Aragonesista	-	-	-	-	0	1	0	0	-	-
Independients	1	-	-	1	-	-	-	-	-	-
Unión de Centro Democrático	3	-	-	-	-	-	-	-	-	-
Total	9	9	9	9	9	9	9	9	9	9

Alcaldes

Lista d'alcaldes
Lechislatura	Nombre	Partiu politico
1979–1983
1983–1987	Domingo Serrano Cubel	Partido Aragonés
1987–1991	Domingo Serrano Cubel	Partido Aragonés
1991–1995	Domingo Serrano Cubel	Partido Aragonés
1995–1999	Domingo Serrano Cubel	Partido Aragonés
1999–2003	Domingo Serrano Cubel	Partido Aragonés
2003–2007	María Ángeles Ortiz Álvarez^[5]	Partido de los Socialistas de Aragón
2007–2011	María Ángeles Ortiz Álvarez	Partido de los Socialistas de Aragón
2011–2015	María Ángeles Ortiz Álvarez	Partido de los Socialistas de Aragón
2015–2019	Carmelo Pérez Diez	Partido Popular de Aragón
2019–2023
2023–2027	Carmelo Pérez Díez ^[6]	PP

Puestos d'intrés

Fiestas

Fiestas patronals: martes dimpués de Semana Santa, en honor a Nuestra Sinyora d'el Pueyo
Sant Lorent, 10 d'agosto
Fiestas mayors: Exaltación de la Cruz, 14 de setiembre.
Sant Martín de Tours, 11 de noviembre.

Esportes

Lo fútbol ye representato por lo Club de Fútbol Belchite 97.

Espacios naturals

Figuras de protección

Se veiga tamién

Batalla de Belchit.

Vinclos externos

Se veigan as imáchens de Commons sobre Belchit.
www.Belchite.com.
Belchite.site90.

Referencias

↑ (es) "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
↑ Ubieto Arteta, Agustín: Toponimia aragonesa medieval, Valencia, 1972, pachina 54.
↑ Datos Eleccions MIR
↑ https://web.archive.org/web/20110105133451/http://portal.aragob.es/archelec/index.jsp
↑ (es) María Ángeles Ortiz Álvarez en la pachina web de las Corz d'Aragón.
↑ (es) Consulta el listado de alcaldes que han sido proclamados en Aragón en Heraldo de Aragón

Municipios d'a comarca d'o Campo de Belchit
Almochuel \| Almonecir de la Cuba \| Azuara \| Belchit \| Codo \| Fuent de Todos \| Lagata \| Lecera \| Letuix \| Moneva \| Moyuela \| Plenas \| La Pobla d'Albortón \| Sant Per de Lagata \| Val Madriz