As Bardenas Reyals de Navarra (en basco Nafarroako Errege Bardeak) son un parache natural semidisertico que s'estendilla por o sud-este de Navarra, en a comarca de Tudela (merindat de Tudela), con bellas 42.500 ha de terreno sin dengún nuclio urbán. As Bardenas se situgan en un punto equidistant entre a cordelera pirenenca y a cordelera Iberica y conforman un Parque Natural Protechito de 39.274 ha que dende o 7 de noviembre de 2000 fa parti d'a Reserva d'a biosfera.
Dende una perspectiva cheomorfolochica y cheobotanica las bardenas se dividen en tres zonas: Lo Plano, La Bardena Blanca y la Bardena Negra.[1]
O substrato cheolochico d'a zona ye formau por archilas, chesos y piedra d'arena, y o terreno ha estau muit erosionau por l'augua y l'aire creyando formas cheolochicas entre as que destacan os barrancos, os glacis, as plataformas estructurals como a Plana Negra, y cabezos que corresponden a pueyos testigo y antepueyos como o celebre Castildetierra.
Referencias
- ↑ (es) José Antonio Martínez: Las Bardenas Reales. Publicau en: Quercus, cuaderno nº 77, chuliol de 1992. pp 37-44.
Bibliografía
- (es) José Antonio Martínez: Las Bardenas Reales. Publicau en: Quercus, cuaderno nº 77, chuliol de 1992. pp 37–44.
Vinclos externos
