At Gunpoint (títol orichinal en anglés, en aragonés A punta de pistola, enguerada en Aragón con o títol en castellano d'Así mueren los valientes, en aragonés Asinas mueren os valients) ye una cinta de cine de western de cine estausunidense de l'anyo 1955 dirichida por Alfred L. Werker seguntes un guión orichinal de Daniel B. Ullman, con una banda sonora orichinal de Carmen Dragon, una dirección de fotografía d'Ellsworth Fredericks, una producción cinematografica de Vincent M. Fennelly ta la productora cinematografica Allied Artists Pictures y un elenco d'o cual en fan parte en os suyos papels principals os actors Fred MacMurray, Dorothy Malone, Walter Brennan, Skip Homeier, Tommy Rettig, John Qualen, Whit Bissell y Jack Lambert.
Jack Wright ye lo propietario d'un almagacén en Plainview, en Texas y mai no ha disparau una pistola. Bel día plega en o lugar una banda de ladrons, os Dennis, y cuan marchan dimpués de robar o banco, Jack pilla la pistola d'o "sheriff" que acaban de matar y dispara a la chichalamanchas, acertando-le casualment a un d's atracadors que fuyiba montau a caballo. Un atro ciudadán, George Henderson, li dispara tamién, pero cuan lo fa lo bandiu ya heba muerto. Os diarios publican a feta y los ciudadans d'o kugar convoyan a los autors d'os disparos. Sindembargo, Bob Dennis, chirmano d'o muerto y miembro d'a banda, deciden vengar-se y marchan enta lo lugar, a on en primeras matan a George. Alavez os ciudadans d'o lugar amuestran cada vegada mas lo suyo miedo a los delincuents, que amás poco dimpués matan a otro ciudadano a qui han entrebolicau con Jack.
A cinta s'ambienta en a localidat de Plainview, en Texas, en bel momento indeterminau d'a segunda metat d'o sieglo XIX, y las suyas escenas se filmoron en Santa Clarita y Newhall, en California.[2]
Se veiga tamién
Referencias
Vinclos externos
