Another 48 Hrs. (títol orichinal en anglés, Atras 48 horas en aragonés, enguerada en Aragón con o suyo títol traduciu enta l' castellano como 48 horas más) ye una cinta de cine policiaco d'acción y comedia d'o cine estausunidense de l'anyo 1990 dirichida por Walter Hill seguntes un guión adaptau por John Fasano, Jeb Stuart y Larry Gross basau en una historia de Fred Braughton con personaches creyaus por Roger Spottiswoode, Walter Hill, Larry Gross y Steven E. de Souza ta la cinta 48 Hrs. (1982); con una dirección de fotografía de Matthew F. Leonetti, una Banda Sonora Orichinal de James Horner, una producción cinematografica de Lawrence Gordon y Robert D. Wachs ta lña productora d'Eddy Murphy, Eddie Murphy Productions, y con un elenco d'actors a on destacan como papels principals Eddie Murphy, Nick Nolte, Brion James, Kevin Tighe y Ed O'Ross.
Ye una continación u secuela anyos dimpués d'a cinta 48 Hrs. (1982, Walter Hill) con a mesma estructora de buddy movie y con os mesmos papels y actors, nomás que agora l'inspector de Policía ye acusau d'un asasinato y amenista l'aduya d'o ladrón. Encara que estió un exito de taquilla, la critica cinematografica estió prou negativa, en resaltando que las corteras feitas en o metrache d'a cinta ta lo suyo montache malfeban la trama artgumental d'a cinta. Como en a cinta anterior, l'acción argumental s'escayece en a ciudat de San Francisco en California (en iste caso ya en os anyos 1990) y se rodó en San Francisco y atros puestos de California.
Se veiga tamién
Referencias
Vinclos externos
