Adventures of Don Juan (títol orichinal en anglés, en aragonés Aventuras de don Juan, enguerada en Aragón con o títol en castellano d'El burlador de Castilla, en aragonés O burlaire de Castiella) ye una cinta de cine d'aventuras de capa y espada de l'anyo 1948 de cine estausunidense dirichida por Vincent Sherman seguntes un guión orichinal de Herbert Dalmas, George Oppenheimer y Harry Kurnitz, con una banda sonora orichinal de Max Steiner, una dirección de fotografía d'Alan Crosland, Jr., una producción cinematografica de Jerry Wald ta la productora cinematografica Warner Bros. y con un elenco composau por Errol Flynn, Viveca Lindfors, Robert Douglas, Alan Hale, Romney Brent, Ann Rutherford, Robert Warwick, Jerry Austin, Douglas Kennedy, Jean Shepherd, Mary Stuart, Helen Westcott, Fortunio Bonanova, Aubrey Mather, Una O'Connor, Raymond Burr y Nora Eddington, entra d'atros actors.
En a cinta se contan as aventuras de Don Juan de Maraña, un noble espanyol destacau en l'embaixada d'Espanya en Londres, a on destaca en estar un falderiquero, y que por ixe motivo ye repatriau en Espanya, trobando-se en plegar-ie con a enemistat d'o duque de Lorca, secretario d'o rei Felipe, que ye qui en realidat controla lo reino y que se troba en pugna con a reina. A cinta s'ambienta en o sieglo XVII en Londres y en Madrit, y las suyas escenas se filmoron en os Warner Brothers Burbank Studios en Burbank y en Los Angeles (California, Estaus Unius).[2]
Adventures of Don Juan ye una cinta que ha recibiu bels premios y nominacions, en destacando un Premio Oscar a lo Millor Disenyo de Vestuario en a suya 22ena edición, amás d'una atra nominación.
Se veiga tamién
Referencias
Vinclos externos
