PROFILPELAJAR.COM

	Sir William Huggins
	William Huggins (1905) deur John Collier
Gebore	7 Februarie 1824; Cornhill, Middlesex
Oorlede	12 Mei 1910 (op 86); Londen, Engeland
Nasionaliteit	Verenigde Koninkryk
Vakgebied	Sterrekunde
Bekend vir	astronomiese spektroskopie
Toekennings	Koninklike medalje (1866); Lalande-prys (1870); Rumford-medalje (1880); Janssen-medalje (1888); Copley-medalje (1898); Henry Draper-medalje (1901); Bruce-medalje (1904)

Sir William Huggins (7 Februarie 1824 – 12 Mei 1910) was ’n Britse sterrekundige wat veral bekend was vir sy baanbrekerswerk in astronomiese spektroskopie.

Hy is in Middlesex gebore en is later getroud met Margaret Lindsay, wat sy belangstelling in die sterrekunde gedeel^[1] en hom gehelp het in sy navorsing. Huggins het ’n privaat sterrewag in Londen gebou van waar die egpaar veral spektraallyne van verskeie hemelliggame bestudeer het. Op 29 Augustus 1864 was hy die eerste persoon wat die spektrum van ’n planetêre newel geneem het terwyl hy NGC 6543 bestudeer het.^[2] Hy was ook die eerste persoon wat tussen newels en sterrestelsels onderskei het deur te wys dat sommige, soos die Orion-newel, suiwer emissiespektra tiperend van gas het terwyl ander, soos die Andromeda-sterrestelsel, die tipiese spektra van sterre het.

Deur die ster Sirius, wat 'n rooiverskuiwing ondergaan, in 1868 waar te neem, kon Huggins die hipotese maak dat die ster se radiale snelheid daarmee bereken kan word.^[3]

Huggins het die Orde van Verdienstelikheid, die Orde van die Bad en verskeie ander eerbewyse en pryse verower. Hy is in 1910 oorlede.

Verwysings

↑ Becker, Barbara J., "Ch 4—1 - Margaret Huggins: The Myth of the 'able assistant'", Eclecticism, Opportunism, and the Evolution of a New Research Agenda: William and Margaret Huggins and the Origins of Astrophysics, https://eee.uci.edu/clients/bjbecker/huggins/ch4.html
↑ Kwok, Sun (2000), "Chapter1: History and overview", The origin and evolution of planetary nebulae, Cambridge University Press, pp. 1–7, ISBN 0-521-62313-8, archived from the original on 2 Maart 2012, https://web.archive.org/web/20120302015504/http://books.google.com/books?id=7NfqpZxO_o0C, besoek op 12 Maart 2013
↑ Huggins, W. (1868). "Further observations on the spectra of some of the stars and nebulae, with an attempt to determine therefrom whether these bodies are moving towards or from the Earth, also observations on the spectra of the Sun and of Comet II". Philosophical Transactions of the Royal Society of London. 158: 529–564. Bibcode:1868RSPT..158..529H. doi:10.1098/rstl.1868.0022.